October 10, 2010
-
iPhone4不是我杯茶
以下內容,可能政治不正確,也可能引起相關系統支持者反感,敬請留意。
是咁的,話說我替miss出了部iPhone。與此同時,我也出了一部,不過是因為知道把機賣掉應該不會蝕錢,可以得到比正常平四十元一個月的出機月費優惠。不過iPhone開盒的同一天,手上的Acer壞了(上兩個月跌過三次,現在才壞是好彩了...)。於是這兩天我可以很專心地替miss攪開機和customize事宜。
兩天的iPhone使用經驗告訴我,家中那未開箱的iPhone我應該賣了。
無可否認,iPhone的硬件是state of the art,而其外型設計、市場推廣,甚至用戶群的身份認同建構都做得非常之好,而它的操作介面也是很易上手的。對於女士來說,iPhone是個恩物--外型靚、容易上手、市面上有無數的殼可以買來換、可以很容易地上facebook、有很多得得意意的apps,這些因素成功開發了smartphone的女士藍海市場。
儘管如此,這兩天的用戶體驗告訴我,iPhone (嚴格來說是iOS)不是我杯茶。我用過Palm OS、Windows Mobile和Android,用iOS感覺不很舒暢。和推友和朋友們討論這種感覺,結論是因為我慣了把Smartphone當電腦來舞,iPhone的設計根本就是要容易上手,而不是給我這種人用的。
也有朋友說要像我說的那種用法,就要jail break (jb),原來iPhone有很多東西是lock了的,為的是不讓大家「鍾意裝乜就裝乜」,以保護知識版權的角度來說也是可以接受的,但就令customize系統的可能性大大減低。不過,這種「可能性」對於很多用戶來說是個負擔。如果我用的是Android,根本就沒有每次有新版iOS就要jb一輪的煩惱。(Android的「root機」跟jb不盡相同,Android的設定自由度大得多了,雖然我也是不亦樂乎地root機的那種人)
其實我一直都不集慣用Apple的東西,很多年前開始用信用卡送的iPod shuffle,那個iTunes.... 六年來我也覺得很麻煩。我想大概是我的思想一直沒有被Apple教化吧。用慣了Palm、Windows Mobile和Android的我,覺得iOS用得不爽的原因大概跟我不喜歡iTunes的原因一樣吧。
研究了那iPhone兩日,我開始懷念正在修理中既Android機.... 雖然它的硬件不及iPhone,但它只是iPhone的一半價錢,而且操作感覺更良好。公道點說,iPhone俾miss用非常適合,只是那不是我杯茶而已。
剛剛聽說Android在美國市場的出機市佔率已超越iOS,似乎Android平貴機都殺的「機海戰術」開始奏效(會不會重演PC殺退Apple II的歷史仍有待觀察)。上星期Android market的付費系統開始在香港運作,以後Android用戶也可以像iPhone用戶一樣買apps,這是個令人高興的消息,畢竟有競爭才有進步。
後話:經過我循循善誘,miss在很短時間內已經拿握了那東西的大部份功能和一些流動通訊的基本概念,現在她常常拿著那東西查經、睇報紙和FB。忽然間,我覺得自己好似門徙裡面的古天樂...
Comments (16)
我以前無用過SMARTPHONE,最多用過最多用過pocket pc,不過初初接觸iphone時既comment同你一樣,特別用itunes時直頭想死,不過用用下的確覺得iphone好用,幾就手,已經懶去做d customization。
導左 miss 升仙!
iPhone 正係要serve一群無technical 背景嘅客人,因為部機夠簡單直覺,又唔同你玩Package Dependencies(呢樣野真係好煩),所以「玩死
」部電話嘅機會都低左。
(不過偏偏有一群無technical背景嘅人卻要為左⋯而Jailbreak部機,最後勞煩「電腦人」朋友幫手Restore,而呢個「電腦人」可能都只係麻麻地清楚點做就要硬著頭皮去整。)
我諗,「i」字頭都應該係比較簡單(限制多)嘅products掛?
好似iMac咁,識行識走夠用,但係無咩擴充性。其實普通人十年都唔會換Video Card或者加隻Hard Drive落電腦⋯ 咁我要咁大部tower做咩?所以近年PC廠家都開始出多左All In One PC主攻一般用戶市場同Office客,呢D AIO CPU唔駛快 Hard DIsk唔駛大,最緊要係穩穩陣陣俾佢地上到網做到野⋯ Just works.
(雖然有時望住D AIO行Atom都收你4~5k真係覺得好貴)
如果要「改得」,我諗都係買返D「Power」字頭或者「Pro」字尾嘅野⋯不過好似無PowerPhone/Phone Pro喎
講咩深度,淨係個款夠靚,個外型夠潮,都值得買啦,哈哈!
要講深度,iphone 啲電先係最具深度啊!出親街唔夠一陣就無電。最重要無得換電。
重有,過癮的地方是那一個itunes,可以自行delete 我的apps,(jb後的apps)嬲到我核爆。
「生活態度」丫嘛!你點會明喎!
認同作者,蘋果近年個風格就係咁,根本就只出「潮流消費性電子產品」 (或叫潮物),所以公司名先會取消「電腦」兩字。
oh Android~good stuff!!
iPhone唔係個個人都受得起.
門徒裏面的古天樂?
不會吧?Miss 不至於上癮了吧?!
雖然對smartphone需求唔大, 但我都唔喜歡apple
無可否認地, apple產品既外貌真係好吸引
但唔知點解有感apple幾邪惡, 逼user去遷就而且合理化佢既缺點
而且佢地既宣傳令人感到好似用apple就叫higher class, 好似係到分化緊社會{呢點有少少陰謀論...}
明明d產品係由血汗工場出既;{
Photo Blog:
http://hk.myblog.yahoo.com/leo_new363/
蘋果最乞我憎的地方,就是那人稱「圍牆花園」(walled garden) 的自閉政策。
我没想到我的怨念负能量威力如此强大......
你的iphone4能卖多少钱?!
你好ar, 我係黎邀請你認識更多朋友, 擴闊生活圈子
呢度免費比你搵朋友
http://www.hihiforum.com/hihisearch.php
快d試下, 等你註冊=]
我們是一個交友論壇,
你可以黎自貼:
http://hihiforum.com/forum-5-1.html
唔自貼亦可以去新人報到:
http://www.hihiforum.com/forum-8-1.html
想私影亦可以去:
http://www.hihiforum.com/forum-302-1.html
另外我地招緊大量版主
希望可以係論壇見到你 =D
希望你可以加入我地呢個大家庭
其實我不是太明白這句 "...結論是因為我慣了把Smartphone當電腦來舞,iPhone的設計根本就是要容易上手..."
你是想講,iPhone (iOS) 很多地方太簡單,無得自己設定 & 大攪設定嗎? 無得好似 Windows 咁,有很多地方供用家設定如參數等選項,無 Technical 的 “畫面” 等??
@just_4_remember -
可以咁講。
@bigbrother1984 -
一日都係你... 而家應該可以賣五千七左右
@Kursk -
如果係咁的話,我想 Mac 機都可能不太適合你用吧。
Apple 的產品,多以易用為主,就以 Mac 機為例,在網上,就曾見到有人說,Mac 機是為唔識電腦的人或懶人而設,這點我都同意,因為在 Mac OS 裡,根本很多東西都是自己 "攪唔倒" 的,很多功能和參數設定都 "隱藏" 了,真的想攪的話,就要自己另行下載軟件改這 "隱藏" 設定吧。或者可以咁講,Mac 根本一開波就幫 User 設定好一個最簡單的操作環境,你根本一開始就只需答幾條問題,填些少資料,不需記很多東西,就可以開始用電腦,開始工作,娛樂等。這點在以前 Mac OS 9 年代更甚,現在的 Mac OS X 就好一點,可以入 Terminal 做很多設定,如果唔識 UNIX Command,就可以下載專屬軟件來改吧。
Apple 的產品,多是將複雜的東西隱藏在背後,你根本不需要去碰這些東西,就可以去用。其實這也無壞,畢竟有幾多人接受到複雜的 "畫面",“水蛇春” 咁長咁多的設定畫面,只會嚇怕人,又如有些人,他們根本唔想知是甚麼檔案格式,總之按兩下,可以開到幅圖來睇,或可以 Edit 封信,就可以吧,你和他說認 .jpg ,.gif 就是圖檔,.doc 就是 Word 檔案,他真係唔理你,要他記咁多東西,認這樣,認那樣等,就算話埋俾佢知如何設定等等,他都可以話唔識,最好就你和他攪掂矖,才叫他埋位開工,這尤以女仔更甚。所以產品設計越簡單,就應越受歡迎。
所以,產品在設計上應盡量做到越簡單越好,功能可以卓越,但操作一定要力求簡單,產品設計越簡單,就應越受歡迎。Apple 就是想做到這一點。如果我們想玩進階功能,或想 "用盡" 部機 (e.g. iPhone),咁我們就要找找方法吧,既然我們可以接受到較複雜的東西,要破封鎖 (JB),要做到自己想做的東西,都不會太難吧,只要行多一步,只要不是太過份,都應該可以做到的。
其實我都知道,有些人,包括我在內,都想看看自已的電腦或電話內有何設定可以攪,可以 Set 倒些甚麼等,想看多一點或較 "Technical" 的資料,有更全面的操控等,但越簡單易用就似乎越多人用,這尤以消費性產品為甚。
若要自由度大,咁設定一定相對地變複雜...,另外,Apple 其實一直苦心經營自己的品牌,所以才不想一些 "不良" 的軟件入侵 iPhone,當然亦會有其他的考慮吧。
Comments are closed.