November 12, 2012

• 《寒戰》: 場面主角不俗

   

  （沒有劇透）

  Weekend睇咗《寒戰》，點評如下：

  1. 以新晉導演嚟計，算係拍出成績，不過去唔到非看不可嘅程度。如果計埋俾新導演嘅credit，係好睇。

  2. 幾個主角做得都好睇，梁家輝當然好睇，郭富城都好睇。我直覺覺得佢有啲George Clooney feel，不過當然文化內涵仍有地球同火星嘅距離。

  3. 李治廷嘅演出係垃圾級，完全扮唔到一個ICAC嘅senior，係成套戲嘅超級敗筆。公道啲講，可能唔係李治廷嘅錯，而係選角嘅錯。

  4. 徐家傑做番佢被送出ICAC之前嘅角色，頗堪玩味。

  5. 到後尾嘅對白畫公仔畫出腸，太長氣。

  6. 劉華做局長，殘咗好多，同埋服裝唔知點做嘢，搵咗件唔0岩身嘅衫嚟玩佢...

  7. 臨尾有一幕好有像徵意義，暗示香港PK。呢幕值得睇。

  8. 至於內容嘅政治agenda，唔想劇透，所以唔太多講了。不過香港99%警匪片都係講好警察的，你永遠唔會見到曾偉雄之流出現響警匪片。

  9. 個故仔去到後尾收唔到科，或者可以話係要靠續集嚟收科。

  10. 似乎編劇同導演有意加入好多政治隱諭，大講香港核心價值－－程序、問責、品格審查、廉政、制衡，仲重覆提咗n次普通法制度。睇大陸網民嘅反應似乎幾正面，原來呢啲野響大陸有市場。

   

  整體來說，觀賞價值界乎入場與Blue-ray之間。不過事先聲明，我係嗰種對於劇本要求接近吹毛求疵嘅人。如果你可以接受劇本有少許收唔到科，鍾意睇場面嘅話，係值得入場睇的。

   

  

   

  預告片： 

  • 11:32 am
  • 1 Comment