December 17, 2012

  • 天與地:香港末日預言書

     

    (通常我用數字點列寫口語,係因為寫感想寫得快,請見諒) 

    1. 我一路都冇睇無線個頒獎,因為那只不過係佢地嘅年度appraisal活動,況且我根本都好少睇無線劇。直到太太話《天與地》攞獎我先開電視。

    2. 估唔到《天與地》真係攞獎。呢套係我近十年嚟唯一會追晒嘅CCTVB劇。老老實實,雖然《天與地》劇情唔係完美,不過真係睇得有好多感觸。

    3. 無線攪網上普選,係咪因為得票最高票所以焗住要俾獎?定係因為無線想省一省個招牌抗衡王維基?

    4. 周旭明領獎既時候,好隱晦咁講咗句「敏感既野唔會講」,只係講咗句「多謝」,或者因為佢就嚟要離開無線吧。

    5. 《天與地》的確係神劇,而且有莫名其妙既作用。土共見反國教運動唱《年少無知》,或許先至發現一套稍為出格既劇原來出事。仲發多三個電視牌?

    6. 我好鍾意平行時空呢一段。每一條佬心裡面都有一隊Band,Band係個比喻,代表嘅係失落嘅夢想,同埋一班識於微時嘅朋友。當然,仲有一個平行時空。 

     

    7. 音樂會呢段,真係好反動.... 有個好似DBC咁既電台、有大班人聚集到連警察都冇符。就好似8月尾9月頭嘅政總咁。 

    《天與地》:

    現實世界(反置教運動):

     

    8. Joe Junior呢幕,真係經典。This city is dying, you know?

     

    9. 《天與地》係香港嘅末日預言書,裡面政治意境一片灰暗,到最後人嘅救贖可能就係做番自己。可惜呢個只係個人救贖,突發音樂會都一定要係和平理性合法,音樂會散場後個社會好似乜都冇發生過咁。不過,而家嘅香港,又何嘗唔係咁?肯面對自己已經好好了,更多人係「我討厭政治」、「要順服在上者」、「向前看、做實事」、「層樓未供完」、「特首係香港人選出嚟」...

    林保怡算係泛民政治人物,卒之選舉挫敗,要向現實低頭,就好似俾西環攪掂咁。劇裡面個電台冇事,現實世界嘅DBC就要死。現實可能比故事更灰暗。

     

    10. This city is dying, you know? 你睇呢個城市俾土共攪到烏煙瘴氣,梁振英呃個特首番嚟做,厚住面皮日日擘大眼講大話,DBC俾西環攪死,政府就夾埋整到佢死快啲,免費電視牌就出爾反爾,ATV就響度獻世、梁愛詩之流就驚死法治呢個香港最後防線唔死。

     

    11. 有網友話,如果唔係HKTV威脅出現,無線未必會咁樣省招牌。我唔肯定呢個講法係咪完全成立,不過我肯定有競爭先有進步。

    點解唔可以俾番個DBC我?點解唔可以俾多三個電視台我地揀?

    香港人,你為什麼不生氣?

    梁振英,特首呢個名,你受得起咩? 

     

Comments (1)

  • 我覺得罪恐怖那一刻,倒是聽到有人說‘明明覺得《大太監》更好’⋯⋯  

    *SIGH*    

     

Comments are closed.

Post a Comment