把Blog用到盡的例子

一位同工在Blog批評同學仔，惹來了同學仔與她在Blog裡大戰幾十回合，後來更有自稱家長的人加入戰團。同工的回應編一出，立時惹來更多挑戰，好像三國無雙裡面趙子龍一個打幾百人一樣....

剛剛做了很久沒有做的事，就是到蔽校同學仔的blogring走一轉，看看他們在攪什麼。可惜，百多個人，xan海茫茫，加上看不慣他們的花多眼亂風格，看了一會便要抽身而去了。

遊行之後十問

學生問阿Sir

1. 阿Sir有冇去遊行？
2. 有冇其他老師去遊行？
3. 點解要叫羅范椒芬下台？
4. 點解佢上星期黎果陣你地對佢咁好，尋日又咁對佢？
5. 佢上星期黎學校做咩？
6. 點解你地要去遊行？
7. 咩係教改？
8. 教改有D咩唔好？
9. 遊行左又點？
10. 點解咩遊行都有你份？

阿Sir問學生

1. 有冇人記得上次羅太早會演說（英文）的內容？佢響演說中話自己做錯的東西係咩？
2. 點解高級官員講錯野會有上萬人上街反對？
3. 你地知唔知教統局同學校同老師既關係？
4. 根據上一課「政府與市民」，政府推行重大而具爭議性既政策時會點做？
5. 如果你係受呢個政策影響而且又係負責執行呢個政策既人，你會點樣表達意見？
6. 點解要以遊行表達，而唔係寫xanga表達？
7. 遊行有咩用？
8. 如果你唔係完全同意D口號，仲應唔應該，或者點樣參與遊行？
9. 點解報紙頭條標題話「高喊羅太下台」，而唔係教協四點要求？
10. 點樣決定幾時用幾「盡」既手段反映意見？
11. 點解南韓農民會同警察發生衝突？點解以前會有南韓農民以死示威？
12. 如果你係政府，你會點處理教師遊行呢單野？

後話

那天去遊行，遇到剛辭職的S和她的老公。後來遇到我的好上庄（即是我上庄職位的上一手）。好久不見了，好高興再見！原來她也像我一樣，有工唔做，半途出家去了唸教育，再投身教書界。我們一同以芝麻般的大小出現在明報頭版的廣角大相左下方。