February 25, 2006
-
李偉成
大部份20歲以上，會考考過Econ的人一定會聽過李偉成這三個字。他寫的課本應該是最多學校採用的，他兼營的補習社，當年也是對自己沒有信心的會考生的不二之選。除了李偉成，還有他的拍檔Richard Choi，在會考econ界一時無兩。
小弟從來未上過他們的課，直至當上了教師。那次Richard Choi主講一個關於教A-level心得的講座，風趣又有point，難怪當年他的補習班如此受歡迎。一次聽Richard Choi在研討會中批評A-level Macro的試題，字字鏗鏘，好不攝人。
今天早上終於有機會見到李偉成的真面目。事緣請他出書的出版社攪了個研究教學生會考題的講座，今早小弟懷著去偷師的心情參加。果然，又是一位字字鏗鏘的教育同工。學到很多，下星期可以用來教學生了。這些研討會，多多益善。
其實出版社為了爭取成為「指定」供應商，對學校作了很多支援，這個有人說是慷家長之慨，其實不然。那些「堅料」的研討會、教材、題目庫和網上評估系統，提高教學質素，年中不知防止了多了宗教師崩潰事件，幫到教師即是幫到學生，怎能說是慷家長之慨？
不過，研討會的茶點，我一般都不會吃，因為那真的是家長的錢。
Comments (6)
當年我對補習很反感。學校上堂已夠難捱，怎會去貼錢買難受？上了中五，終於有點危機感，自己看李偉成的書覺得不夠用，也不盡明白（為什麼只是自己看書？因為老師患了精神病又不去醫，真的。幸好他已退休，師妹不用受苦）。為了不跟其他同學去英皇現代柴哇哇，獨自去了李偉成那裡。
李偉成太紅，我太遲，去了Richard Choi的班（那裡還有林本利）。第一課由李偉成介紹，我慶幸自己後知後覺，因為我怕他的說話方式（忘了是個什麼口頭禪，還有點黐月利根）。至於Richard Choi，實在精彩，節奏明快，令我不至覺得悶，gags不算太爛太濫，連專注力超弱的我也可以乖乖聽好每一課，發覺本來看／聽不明白的，其實很容易。對我這種中五才由零開始的學生，成績當然「突飛猛進」啦，還喜歡上這一科。
聽到李偉成, 就想起當年的補習歲月. 不過, 其實的不是 econ 的學生, 反而是喝 simon chaing 的奶水大的.
當年母校的老師, 對 simon chaing 又恨又妒, 卻又不去看看人家的長處, 若當年老師們都像閣下般 open mind 及以學生為重, 大概我會愛自己的學校多一點.
考A level 既兩年都係補李偉成, 李偉成好長氣, 但係思路非常清晰, 清晰過當年個本教科書既作者同埋敝校既經濟科老師。其後上大學雖然唔係major econ, 但都有take d common core, 我知AL 同大學既focus 好唔一樣, 但係能夠將張五常高斯同埋macro講得好清晰既人，只有李偉成。令我唔討厭econ 既人係林行止, 但係令我明白林行止既人係李偉成。
唔講唔覺係修頓出出入入為補習既日子原來已經係咸豐年既事。
我之前都係補李偉成架!! 唔記得f.4定f.5開始補, 都補左成3,4年. 佢係有d長氣, 作埋d口訣又有d老土(有一句係唔知阿梅定羅記既歌語), 但係又真係記得架wor!! 我有d同學都補richard choi, 我知richard係會教d深d既問題, 不通我知自己事, 聽咁深都唔會明. 呀仲有, 係因為佢寫o個本書layout又靚d, 又易明, 所以鍾意佢多d=)
我f.4-5 econ都幾ok, 但係一上f.6 真係死左, 都唔知係我唔讀定真係太深. 仲記得o係學校, 有次有同學問miss一個問題, miss簡接地話佢要返去研究一下, 下堂答我地. 一落堂, 幾個補richard同成成既同學圍埋傾(我齋聽only), 佢地話唔知成成定richard有講過o個個問題. 其實o個個miss係教開account既, 所以我地都唔期望太大. 每次講講下佢自己都唔firm, 咁我地都不得不借助外力啦
李偉成可以係邊到補呀
我中五係現代補李偉成。中六自修經濟，去Pareto補了林本利，又去外面補了B Chan，第一堂上完我就求李sir收返我。一星期後，佢打電話找我，話叫我上住先，未肯定有無位，所以，佢唔收我錢住…結果，連埋之後intentive，我聽了4次Methodology。李sir講野係有點口音，但是我現在當教師後想返轉頭，李sir的教學法係好厲害！教得我的思維好清晰。
我大學唔係讀經濟，但係係2006年機緣下去教經濟。足足10年無看過經濟書，但好簡單prepare下就無問題了。08年開始教AL，我更加覺得李sir教落的係非常厲害。佢可以教到我無溫書10年都記得成8成！我好多謝佢當年收返我，無佢，我經濟最就死了。
我當然都有補CC Choi，佢好好玩，雖然我唔係跟足佢兩年，但是佢教我的野我都好記得，當我教ML condition時，就是回憶佢當年的方法，再加以簡化比學生。佢地以前的notes，到現在都好夠用。
我係教育學院一位老師對佢地兩位都好推崇，話其實無咩名師有足夠的學術能力，和語文能力去教學生寫野…高見！
我以係Pareto老鼠(李sir佢地係咁叫我)為榮！
Comments are closed.