November 13, 2008

  • 嚴禁用物品卡住HKU升降機的門

    港大物業處用了26個中文字來表達8個英文字說得完的意思...

    在港大(包括HKU和SPACE、full-time、part-time)出入第八個年頭，幾年前開始看到這塊牌，一直想寫，不過擱了一陣子便忘記了。它應該是鄭耀忠事件之外，最令港大人感到汗顏的東西之一。

    我相信這塊牌的對象是利用電梯來運貨的搬運工人，因為他們會把紙皮塞進電梯門縫，令電梯門不會關上，方便搬貨。我相信工人們看到這26個字的時候，應該會嘲笑這香港島最高學府的語文水平。

    設計對白如下：

    「咦，呢塊牌寫乜鬼野？嚴禁用物品卡住升降機的門縫從而不法地保持升降機門開啟，成廿幾個字，究竟佢想講乜？」

    「人地大學黎架，寫D野梗係文雅D架喇。你讀得書少睇梗係唔明啦。」

    「係bor，你話晒都讀到form 5，果幾個英文字寫乜？」

    「我話晒英文合格架。嗱，"Jamming the lift door open"，"Jam"即係卡住，"Lift door"即係 車立 門，"Open"唔駛我解喇掛。跟住呢個"strictly prohibited"，應該係嚴禁咁解，我地去睇戲片頭話嚴禁吸煙，都係有"prohibited"呢個字。」

    「你唔好撚化我啦，你講來講去都係話"嚴禁卡住 車立 門open”，邊X度有26個字呀？」

    「車，我點Q知呀，人地英文係得呢幾個字之嘛。」

    「咁咩"門縫"呀、"不法地"呀、"從而"呀、"保持"呢D字去左邊?」

    「超，我知我就唔係黎送貨，我就讀緊大學啦。」

    「話唔定人地英文俾D鬼佬教授睇，人地就算卡住都唔算"不法地"卡住啦。不過D中文硬係怪怪地咁。」

    「你唔識就唔好亂up啦，人地大學有中文系架，唔通人地寫D中文會寫錯囉bor？」

    「超，明明係"嚴禁卡住升降機門縫"9個字就講得完，點解要寫26個字？中國文學黎架？」

Comments (50)

Comments are closed.

Post a Comment