經過一星期考試，對完了卷，學生們已勞累不堪，於是跟他們談談跟學科相關的生活話題。說到附近一間學生十分喜歡的「熱撈」店（遲些再介紹），他們問我吃過了沒有，覺得怎樣，我說有啊，然後思考一下如何形容那複雜的味道。

當我正在思考的時候，有學生說「係咩即係初戀既味道？」

我答「初戀既味道唔係咁既。」(突然全班專心度 x 1000)

「阿Sir，咁初戀既味道係點架？」

（死，誤中陷阱...）

「初戀呢，當然唔係好似熱撈咁重味啦。我覺得.... (靜默幾秒)，初戀既味道係好似大快活果D午餐咁。」

（全班上空出現問號）

「其實，大快活果D午餐，係人都食過，又未必記得好清楚食過D咩，味道大概會係OK既，又唔會係好重味。事隔好一段日子，你會記得食過，會記得食完果種單純而飽足既感覺。」

「仲有，學生時代，約會就係食大家樂、大快活架啦，簡簡單單咁。」

「阿Sir，我知喇，阿陳小明應該都係食一哥焗豬扒飯啦！」

「...」

預告:

寫得太多軟性話題，明天寫初中人文學科有關政治的內容。(本blog以趕客宗旨)