February 9, 2010

• 中共侵犯人權詭辯FAQ 2.0

   

  Kursk按：每隔一段時間，這個FAQ便要拿出來再貼。我好希望這一篇以後不用再貼。每貼一次，都說明了我的國家有多悲哀。

   

  2008 - 胡佳多年來從事多項社會運動，包括環保事業、抗擊愛滋病和爭取民主人權等。2008年因為「煽動顛覆國家政權罪」被判處有期徒刑3年零6個月。

  2009 - 劉曉波發起呼籲政治改革的《零八憲章》，2009年被法院以「煽動顛覆國家政權罪」判處劉有期徒刑11年，剝奪政治權利2年。

  2010 - 譚作人起草《5·12學生檔案》的倡議書，呼籲民間進行進行汶川大地震遇難學生校舍工程質量的調查。2010年因為「煽動顛覆國家政權罪」被判處有期徒刑5年，剝奪政治權利3年。

  大家看清楚這個政權的法西斯本質沒有?

   

  *********************************

  有關劉曉波案、胡佳案和譚作人案，共產黨的食客和爪牙通常有幾個似是而非的論點，現在列出來並加以反駁，以正視聽。

  1. 中國政府已經慢慢改變，俾啲時間佢地。

  我地俾時間中共，中共有冇真係改善？冇！劉曉波要求憲法框架內的改革，都要重判十一年，六四事件被捕既學運領袖都冇咁大鑊。仲有，你地俾時間中共，中共有俾過時間良心犯嗎？你地既縱容，先至係愈攪愈離譜既原因之一。

  2. 中國共產黨內部有唔同派系，重判邊個邊個係派系鬥爭既副產品，唔怪得晒中央。

  如果係咁，你中共叫咩「三個代表」？叫咩「執政黨」？學咩人響憲法寫話自己領導全國？派系鬥爭鬥到民不聊生，同軍閥割據既年代有咩分別？你憑咩話自己代表人民統治全國？

  3. 有好多外國勢力想顛覆中國，好多人係受外國勢力影響或者指使架。

  如果真係既話，咁你公佈出嚟，究竟胡佳、劉曉波、譚作人受邊個邪惡組織指使，究竟係CIA、MI6，定係毒蛇黨指使？你有真憑實據，人民一定撐你。呢D咁既「外國勢力」藉口，早幾年仲有人信，但而家內地網民愈來愈醒，愈來愈唔信你呢套大話。

  4. 佢地迫得中共太緊，中共唔做佢地唔得。

  實情係佢地憑良心講出咗真相，講出野既嘢阻住貪官同特權階級發達，所以要被除掉，連帶佢地既妻兒都要被軟禁。大家需知道，貪污腐敗最怕的，就是有人把真相說出來。

  
  5. 愈多人出聲（尤其是外國人），就判得愈重，所以大家唔好再刺激中央。

  如果真的話，我呼籲大家唔好再提，唔提既話，可能會罰吓錢，或者走既時候好似國產凌凌漆咁有煙仔食添。

  定係... 大家唔出聲唔理既話，佢地連係生係死都未知？

  
  6. 而家國家發展一日千里，如果我地要求保障憲法寫明既基本公民權利既話，會影響國家和諧，我地要顧全大局，識得大體。

  如果一個國家連人民最基本的言論、申訴權利也不保障，甚至因此而迫害他們的話，這個國家是失敗的、是可恥的。甚麼大體？那只是專權暴政的大體，貪官污吏的大局。

  我們是中國公民，我們不關心我們的國家，我們的將來就會交在一班貪官污吏、腐二代、富二代手上！

  ＊＊＊＊＊＊＊＊＊＊＊＊＊＊＊＊

   

   

  既得利益者和土共說我們要識大體、顧全大局，我好想問：被迫遷自焚的大嬸、呼籲政府改革便監禁十一年的劉曉波、幫汶川死去的小朋友的家長以及寫文章講六四就監禁五年的譚作人，他們就真的不識大體了。

  他們不識專權暴政的大體，沒有顧貪官污吏的大局。

  偉大的國家不需要英雄，中國每年都弄幾十個哈維爾出來，年年都有一千幾百人走投無路自殺自殘，為什麼我們可以視若無睹？

   

  華叔司徒華可能去期不遠，他希望臨終前見到的東西，似乎短期內不會發生，但這不代表我們應該放棄!

  延伸閱讀:

  中共侵犯人權詭辯FAQ 1.0
   

  • 4:12 am
  • 8 Comments