林忌呢一篇《高鐵股權大騙局》，睇完之後我覺得一定要轉貼出來。

咁屈機既方案－－錢就出大份，起條咁貴既高鐵，車費收入就根距離計，即係分得果少少。
如果一切屬實，特區政府就係出賣緊全香港七百萬市民！

一次係咁，兩次係咁，數碼港、迪士尼、紅灣半島、領匯，次次都係做水魚。政府有冇咁蠢呀？我唔信收幾十萬一個月既高官有咁白痴。成件事只有一個解釋，就係擺明車馬利益輸送。

次次睇到高鐵既新聞，都諗起Confessions of an Economic Hit Man呢本書，裡面講美國中情局夾埋IMF同大企業欺騙、買通、威脅，或者扶植D發展中國家既領袖，去幫襯美國企業起一D無用但貴到離晒譜既假大空基建設施。有時候係擺明買通佢地，有時候係搵所謂專家老作D數據出嚟，講到個project幾有用咁，兩者結果都係一樣，就係果個國家既平民夾錢埋單，起咗D無用既大件野出嚟。

個故仔係咪好熟呢？