2005年10月...

2010年4月，原來照搬可也...

寄件者 普選

2010年6月，經過一大輪大龍鳳，各位民主黨派同中共談判過n次，結果今天政府提交的方案，還是：

原地踏步，同4月一樣，乜都冇變！

根本政府就係佢宣傳片裡面那個笑淫淫地原地踏步既跳舞教練！

今天晚上在茶餐廳，聽到一個中年男士，好直接咁講，「X，咁仲傾嚟托咩？」*

我骨子裡也是一個意志力有限的小市民，其實攪咗咁耐，而家好多就算你泛民既支持者，都仲有一絲期望，期望你中共同曾蔭權其實係做緊期望管理，你地仲有最後一著，最後先攞出嚟等大家收貨。我相信那怕是一小個讓步，已經好多人收貨。

不過，如果真係乜都唔改，擺出一副要就算唔要就罷的咀臉，拿出一個假貨來想瞞天過海的話，很多市民實在下不了這啖氣！

* 托：廣府話中的的粗俗用語，一般是連著某個粗口字使用的，意思是浪費精神、時間的意思。

Invasion of the Body Snatchers第二撃，又食又拎。$30有海鮮食，仲有禮品一份，慘得過人地有大水喉長期射住。我們的區議會議席，就是靠這些近乎賄賂的小恩小惠買回來的。

這些又食又拎撐政府或土共的活動，也不是今天才有的。

每次見到這些東西，都會想起89年北京民主運動期間收錢遊行支持李鵬的那些人。