如果咁都有得退，就真係大件事。原來愚昧無知係唔駛負責任既，呢d咪就係經濟學所講既「道德風險」(moral hazard)－－如果政府迫d商店收番d鹽，等於獎勵無知，下次有咩風吹草動，一於冇有怕，係唔係都搶左先。報導話「許多商家因被政府警告哄抬物價是違法的，因而被迫退錢。」地方政府為左維穩，真係陪Ｄ人一齊顛，大石責死蟹屈人退錢，呢Ｄ就叫真正民粹喇。
睇番搶鹽既日子既新聞，好多地方都係民眾洶湧咁要求買鹽，有Ｄ地方直情係想買既民眾自己抬價掃貨。可能真係有小部份人有心發放謠言抬價，但全國數以萬計既零售商冇可能夾定，佢地見到Ｄ人發晒顛咁黎搶，賣貴Ｄ好正常，呢個係雙方冇詐騙既情況下交易，到謠言過後，班人後悔買左成世人都用唔完既份量，就要人退貨，有人受訪既時候仲大言不慚，話自己「冇文化」所以先掃貨，而家面不紅耳不赤咁要求退貨，只能夠講原來佢唔無知得晒，至少仲識耍無賴。
不如咁喇，以後賣鹽要好似賣基金咁叫個客簽同意書，講明買方明白基金投資涉及風險，價格可升可跌好未？
延伸影片：
以「自己冇文化」做藉口要求退鹽既受訪者。
http://www.youtube.com/watch?v=HF9c7Sk-f0g
Ｄ民眾要買鹽既時候群情可以有幾洶湧？不如重溫一下澳門呢位老闆訓斥班愚民既經典場面吧。
http://www.youtube.com/watch?v=KpbhVoZCFnU
Recent Comments