各位5A班同學，明天便是放榜日，我們兩年來所付出的終於有個結果。

多付出的多收獲，少付出的少收獲，會考制度大致上是公平的。

正如我在最後一節課對你們說的：會考成績跟你一世。

曾特首說會考只是人生的一個小挑戰，他說得對，如果這個小挑戰也攪不好，日後的挑戰點攪。

你可能會問：阿Sir你唔係話過去學一門手藝都係一條出路咩？

係，係一條出路，我甚至說有一門手藝，做出成績的話，分分鐘好過大專畢業。不過，記住，那不是一條大路，作為你的前輩＋老師＋朋友，我一定希望你讀得到書，讀得多書唔係大晒，唔係會發達，但是代表你人生的可能性多許多。

人生的可能性bor，聽落都開心。

不過，如果你真的認真過、盡了力，考得不好，我不會不高興。當上了人生的第一課，以後的日子更認真，更盡力就好。

明天收到成績，無論喊定笑，我都會支持你地。今晚放鬆一點，如果你已約了朋友仔傾計，走到公園時你會驚訝四圍都是一堆堆跟你一樣的會考生。好朋友相濡以沫，互相支持，是少年人的好回憶。Enjoy。

明早見。記得帶齊文件，同埋平常心。