March 8, 2008
-
串爆租碟舖
今天到友人家中作客，打算在其家樓下租碟作一點「貢獻」。
走進大約八十方呎的租碟舖問入會事宜，店員說要地址證明，我說沒有，他說後補也可以。
我填好表格，給他身份證。然後出現以下對白：
店員（有點警察盤犯既語氣）：「呢個咩地址？」
我：「吓？」
店員（指著我的大廈名）：「呢個咩地址？」
我：「我屋企幢大廈名囉。呢度寫住Wan Chai，即係灣仔囉。」
店員：「我地唔做跨區生意個噃。」
我（O了咀）：「咁俾番個身份證我，我唔租喇。」
在很多不同的租碟舖租租過碟，唔做「跨區生意」既都係第一次見。
問題一： 點解唔做跨區生意？還唔還碟同住邊有咩關係？係咩就算我響果頭返工都唔俾租？
問題二： 既然佢地收按金，又登記身份證，係咪仲驚我唔還碟？
問題三： 點解個店員會好似盤犯咁盤個客？
Comments (14)
得一個原因 : 老闆得罪左個店員.
好耐冇見過租碟店
我識人響紐西蘭做地產經紀，都唔做跨區生意。原因好簡單，因為同行有不成文規定，唔可以跨區「搶生意」，否則要俾「陀地費」。假設你住灣仔區，響觀塘區租碟，如果俾灣仔個「大佬」知道，會向該觀塘租碟鋪收「陀地」。
……
問題一：因為如果你係本區客，唔還碟可以直踩上門追你還碟，跨區追你還碟又要貼車錢
問題二：可能真係好驚你唔還碟，當你租左隻絕版電影，而佢又買唔返
問題三：你個樣好似賊 / 你個樣好好蝦
好顯而易見，果間鋪頭比人走得太多碟，所以一見跨區就唔敢冒險租比你
@gninwad - 好明顯，係樣既問題。
估不到在廿一世紀的香港仍有如此荒謬的事
只能用"益智"去形容這位店員
@relgitsjg - 可能老闆殺左佢全家。
@siurekrek - 每區都仲有架。
@Big_Snake - 租碟應該冇大佬掛。
@lyy_life - @hystericireul - @gninwad - 照計有按金制度, 都唔駛追碟啦。我相信可能我太樣衰。
@wchung378 - 其實真係唔明點解佢會唔做「跨區生意」。會唔會係生意太好唔憂做?
我只聯想到呢個原因....:
因為呢間野有分店
做左你生意第二個區Sales 會咋佢型.....
我公司HK office 如果接左位於中國大陸既客仔生意, 就算個客話自己係ｈｋ 公司．．．
HK office 一樣會比中國同事小晒大喇叭
@Feheart - 你的想法跟我的「大佬收陀地」想法類似。
其實而家買VCD好平架姐, 租碟舖因為新修版權條例, 我估好快做唔住架啦
@Big_Snake -
oh ~~~Exactly~~~
「我地唔做跨區生意個噃」！！！好似送外賣咁......
Haha, SO funny!!!
Comments are closed.