June 29, 2009

  • 生活軼事 (09年6月底)

    本來生活軼事是星期日的東西，不過這個星期日沒有空開電腦，所以今天(星期一)才寫。

    生活

    以校曆表來計算，現在算是年近歲晚，好多會要開，好多卷要對，好多分要入，好多report要寫。淡淡夏日，偏偏要天天埋頭苦幹。

    攝影班的第一課大功告成，下星期會是欣賞同學作品。

    港大開心公園(正名是中山公園)的大樹死掉了，死因是被某種真菌殺死。為什麼寄生的真菌會殺死寄主？真可惜，這棵大樹見證過開心公園的大大小小論戰，包括陳一諤曲線報國。

    MSN info寫「再見列寧」，人人都以為我有事。其實再見列寧(Good Bye! Lenin)是我很喜歡的一套電影。Info這樣寫是因為配合最近既心情。

     

    政治

    講政治用番口語講暢快D。

    鵝頸區補選始終都係民建聯贏。冇辦法。始終區議會即係區議會，冇特別政績(即係用好多錢請人長期做地區工作同飲飲食食)，搵吳彥祖去選都係死。

    艾未未呼籲內地網民七．一罷網，抗議中央高壓治理互聯網。今次攪google，下次應該係Twitter喇。我都呼籲大家，一邊罷網，一邊參加遊行。

    你可能會問，七．一遊行有咩議題？淨係曾蔭權代表左你忘記六四已經足夠。而我呢，我會自製聲援胡佳同劉曉波既Poster，始終香港係中華人民共和國唯一可以聲援良心犯既地方。

    最近，除左網上反對聲音愈來愈大，大陸繼續民變四起。邊個會知道個臨界點幾時到？

    老餅時間

    我問過好多同輩既人，問佢地有冇坐過單層電車。人人都話冇，仲話我作野。單層電車其實係一卡車廂，由一架雙層電車拖住。我細個真係坐過架....

    下圖係我搵到老豆本70年代既書scan出黎，同大家分享。

Comments (14)

Comments are closed.

Post a Comment