December 25, 2009
-
中共侵犯人權詭辯FAQ
有關劉曉波案、胡佳案和譚作人案，本地共產黨走狗通常有幾個似是而非的論點，現在列出來並加以反駁，以正視聽。
1. 中國政府已經慢慢改變，俾啲時間佢地。
我地俾時間中共，中共有冇真係改善？冇！劉曉波要求憲法框架內的改革，都要重判十一年，六四事件被捕既學運領袖都冇咁大鑊。仲有，你地俾時間中共，中共有俾過時間良心犯嗎？你地既縱容，先至係愈攪愈離譜既原因之一。
2. 中國共產黨內部有唔同派系，重判邊個邊個係派系鬥爭既副產品，唔怪得晒中央。
如果係咁，你中共叫咩「三個代表」？叫咩「執政黨」？學咩人響憲法寫話自己領導全國？派系鬥爭鬥到民不聊生，同軍閥割據既年代有咩分別？你憑咩話自己代表人民統治全國？
3. 有好多外國勢力想顛覆中國，好多人係受外國勢力影響或者指使架。
如果真係既話，咁你公佈出嚟，究竟胡佳、劉曉波、譚作人受邊個邪惡組織指使，究竟係CIA、MI6，定係毒蛇黨指使？你有真憑實據，人民一定撐你。呢D咁既「外國勢力」藉口，早幾年仲有人信，但而家內地網民愈來愈醒，愈來愈唔信你呢套大話。
4. 佢地迫得中共太緊，中共唔做佢地唔得。
實情係佢地憑良心講出咗真相，講出野既嘢阻住貪官同特權階級發達，所以要被除掉，連帶佢地既妻兒都要被軟禁。大家需知道，貪污腐敗最怕的，就是有人把真相說出來。
5. 愈多人出聲（尤其是外國人），就判得愈重，所以大家唔好再刺激中央。如果真的話，我呼籲大家唔好再提，唔提既話，可能會罰吓錢，或者走既時候好似國產凌凌漆咁有煙仔食添。
定係... 大家唔出聲唔理既話，佢地連係生係死都未知？
6. 而家國家發展一日千里，如果我地要求保障憲法寫明既基本公民權利既話，會影響國家和諧，我地要顧全大局，識得大體。如果一個國家連人民最基本的言論、申訴權利也不保障，甚至因此而迫害他們的話，這個國家是失敗的、是可恥的。甚麼大體？那只是專權暴政的大體，貪官污吏的大局。
我們是中國公民，我們不關心我們的國家，我們的將來說交在一班貪官污吏、腐二代、富二代手上！
＊＊＊＊＊＊＊＊＊＊＊＊＊＊＊＊
大家睇清楚這個政權的法西斯本質未呀?
班走狗成日叫中國人要識大體、顧全大局，被迫遷自焚個阿嬸、呼籲政府改革就坐十一年既劉曉波、幫汶川死咗既小朋友既家長就坐監既譚作人，佢地就真係唔識大體喇。
佢地唔識專權暴政的大體，唔顧貪官污吏的大局。
偉大的國家不需要英雄，中國年年都整幾十個哈維爾出嚟，年年都有一千幾百人走投無路自殺自殘，我地仲信呢個法西斯？
各位簽過《零八憲章》既人士，快啲出嚟投案，如果未簽既請快啲簽，然後投案。劉老師坐十一年，五十幾坐到六十幾，分分鐘冇命出番嚟，你地能夠無動於衷嗎？
Comments (10)
中國有可能成為法西斯主義國家(由第四分鐘開始)，請看以下短片：http://www.youtube.com/user/RTHK#p/u/10/tR1UTQK8nL0
"如果一個國家連人民最基本的言論、申訴權利也不保障，甚至因此而迫害他們的話，這個國家是失敗的、是可恥的。甚麼大體？那只是專權暴政的大體，貪官污吏的大局。" 說得好, 絕對同意.
我不喜欢“法西斯”，因为墨索里尼实在算不了什么，至于“纳粹”某种程度还算是褒义。
要用一把尺子量度政权的凶残以及对人性的压制。
伟大的斯大林同志当仁不让的排第一，这可是人类文明千古第一暴君，计算人头血债，他就是federer，也远远抛离其他选手。
第二名拿度，就是能和斯大林同志一决雌雄的，当然就是我们的太祖武皇帝。这个大家都熟悉了。
第三也算不上下希特勒。佛朗哥，中南美的右派军政府都不差，都学希特勒的，而且是青出于蓝而胜于蓝。
希特勒就第四第五吧，他就是打败仗，以及杀了太多犹太人，其他各方面都不错。
墨索里尼的罪恶程度根本不入流，他只是蠢在和希特勒合伙。
唉，這是中國人的悲哀。
刘晓波做错了中国人
最精警的，是我有個移民朋友：「其實中共都 "冇乜唔好" 丫。你話佢唔好，唔通美國又好好咩？」
@chris - 叫佢移民返大陸囉。
"叫佢移民返大陸囉。" < 通常呢句一出個d人就即刻收晒皮lol
胡佳不是胡住，Ans.3
re：bigbrother1984
太祖武皇帝=朱元墇or毛魔？
Comments are closed.