July 16, 2010

  • 未來Post(1) - 有線做乜都好業餘

     

    當大家見到這個Post的時候，我正在旅遊途中。8月3日前的Post都是未來Post，即是一早寫好，在預定時間Post的。這些未來Post都是短的，容易寫又容易睇。

     

    今日想講的是有線。

     

    看了兩年有線，結論是除了新聞台，其他東西全部都有點業餘。

     

    世界盃期間那些Party和插科打諢節目，完全沒有氣氛，主持沒有energy，連帶嘉賓也不知上來做什麼，那些唱改歌詞的歌和棟篤笑環節，完全不知在做什麼。可能是因為有線知道大家只是看世界盃，之前那些節目都未必有人看，所以求其做就算吧。

    另外，有線的廣告真的十分經典，有些廣告似乎是客戶送來的，例如佳士蘭(任達華)和澳門凱旋門，還有許志安的尖尖尖，質素之低，真的匪夷所思。另外有些似乎是有線自己替客戶拍的，來來去去都是那幾位主持人，睇得好厭，而且廣告整體質素也不見得高。

     

    至於講波和球賽前的節目，偶爾看看無線和NOW的水平，更覺有線不濟。

     

    就是這樣了，今日講完。

     

Comments (4)

  • 除了新聞台

  • 真的除了新聞台之外就冇野掂

  • 唉！收費電視係咁上下啦... NOW都話有本錢啲，有線淨係俾錢買波，邊有錢做其他嘢呢？

    觀眾又有限，今日唔知聽日事，下季分分鐘無咗呢個波，個個波，點可能擺咁多錢落去其他節目呢？你都唔會純粹因為人地有個出色既娛樂台，而去訂有線嘛？拍劇？要幾多資源呢，你想像得到啦。
    藝人同主持都一樣，有得撈既，點會去有線呢？又無劇集拍... 紅啲既主持既，陳貝兒，Priscilla 都走人啦。既然新聞係主力既，就做好個份囉... 做到嘢，有本事搶到自己新聞台先算啦... 又有咩可以搶到呢？

    我覺得公平啲囉，真係無乜可能期望佢地搞到好正，錢、資源、人材都無。攞佢同無線比，就更唔公平啦... 啲廣告係客既，唔關佢地事既；其餘個啲，佢地都唔係專業創作廣告，係咁上下質素啦... 我明係幾難頂既。不過，或者係外判俾出面廣告公司，只係用番自己人，得佢地曝吓光咁姐。你都見到來來去去做個幾個廣告啦... 重要既係，啲客認為得，咁咪出囉。

    唔可能攞 The Standard 同 South China Morning Post 直接比，唔可能大投資... 根本無人材俾你搶，唔知幾時回到本，甚至回唔回到本，只會死得更快姐。惟有做好自己個位，搵啲筍得嚟又負擔得起既嘢做吓架姐。無計架啦！
    不過，其實娛樂台都睇到吓既，食嘢節目同日本外購個幾個，我覺得唔錯呀。

    我唔係打手，都唔係響有線搵食... 只係我基本上唔睇無線／亞視，有時間都寧願睇吓有線，覺得唔係咁差姐，搵到嘢睇吓既... 雖然係外購嘢多。

  • 尖尖尖，真經典！　　

    Ｈａｈａ！！！　　

    　

Comments are closed.

Post a Comment