December 12, 2011

• 感動香港/成功需苦幹/周一嶽

   

  亞視過去幾個月幾乎所有廣告時段都賣緊「感動香港」既宣傳。咁樣發條橙式洗腦宣傳，攪到聽到感動兩個字都怕左，唔敢再轉台睇亞視。終於，呢個咁有意義既頒獎禮出街鳥。我睇左一陣，無可否認，果Ｄ好人好事是值得大家支持，但係亞視個頒獎禮既處理手法，真係感動唔到人。亞視收視已經夠低，佢地完全脫離市場既口味應該真係冇得救。

  不過個「感動香港」有一個亮點，就係有一班權貴做嘉賓，有霍震廷，最開心就係有CY梁。原來都係一個party。同之前香港百人差唔多。

  講到私人party，亞視「感動香港」之後，有個叫「what's嗡」既清談節目。佢既宣傳話「青年才俊」同「香港未來」，原來就係有富三代霍啟剛同富二代蔡加讚*做主持。公眾廣播頻道，變得愈來愈私人。

  

   

  講開私人party，星期六晚無線就有周一嶽劣評如潮既唱歌表演(不如下次part李家仁唱啦)。食住飯睇，真係最高享受。

  東華保良果Ｄ籌款，通常Ｄ闊太唱歌都會有個歌手伴住，得家庭觀眾冇咁難受（等佢地唔好轉台），今次周一嶽solo，特區政府公關形象再下一城。

  大家都係開電腦睇劇或者聽網台算罷啦。 

   

   

  *注：即係「成功需苦幹」既網絡紅人蔡加讚，唔貼link了，因為太多粗口。

   

  延伸閱讀：

  冷得要命的籌款show (johncoal)

   

  • 9:55 am
  • 2 Comments