April 23, 2012

• 要等香港變重慶D人先知死?

  有人競選既時候重覆講左好多次話唔會揾競選辦主任羅范選舉之後會退休，所以唔會入管治團隊。

  羅范自己又講過「任何人今日再說羅太是一個負累，我都唔會做」。（明報相關報導）

  結果呢？梁委任羅范做候任特首辦主任。而家好明顯已經過左特首選舉，候任特首辦主任明明係官員，就算真係做到6月30號都係管治團隊，除非梁振英同佢響6月30日前乜都唔做，包括唔做任何執政既前期工作。

  咁究竟呢兩個人覺得誠信同廉恥係咩一回事呢？我唯一肯定既係，呢兩個人真係好夾。

  如果你問我如果一定要揀，信Santino定信呢兩個人，我一定係答Santino。

  
  

  雖然有唔少香港既地下共產黨人指證，但有人一直堅決否認自己係共產黨員。雖然西環擺明車馬響香港迫令選委投票俾某人，又發放大量黑材料，但某人當然係堅決否認。

  說時遲那時快，唔知點解某人一定要搵共青團出身既陳冉入去佢個團隊，佢仲差三個月先可以申請香港永久居民身份，所以如果要入政府做既話，就要申請豁免。

  係呀，你冇聽錯，係。共。青。團。呀！某人根本完全唔駛考慮公眾、公務員既反應。呢個人未登天子位，已經連面具都撕走，而家滲透都唔駛做喇，可以直接搵共青團入去個核心團隊度做野。其實不如申請多幾個共產黨黎做局長喇咁。（蘋果相關報導）

  
  

  覺得仲要聽其言觀其行？覺得仲要等佢上台先睇下有冇問題？覺得佢做到野就得？乜做領導人唔駛講誠信既咩？乜香港唔係至少表面上係一國兩制港人治港既咩？乜擺明車馬搵個共青團入政府核心做野大家唔覺得有問題既咩？

  唔通要等第時香港變成另一個重慶既時候，香港人先會醒覺？定係繼續睇盛女覺得好過癮，話之香港變成點？

   

   

  • 11:56 am
  • 6 Comments