September 6, 2012

• 無恥ATV膽敢侮辱林彬

  痴線，真係痴線。

  1. ATV話反對國教的人升級到暴力，但根本就講唔出暴力在邊度。唔通同學自己去清潔公廁暴力？抑或將現場垃圾分類暴力？定係絕食好暴力？佢個鏡頭都只係有人去ATV門口抗議，燒一張A4紙咁大嘅台徽，咁就係暴力？

  2. 市民去投訴ATV唔係剝奪言論自由，因為免費電視台佔用珍貴嘅大氣電波，所以先會有廣播守則監管，規定代表電視台立場嘅節目唔可以過份偏頗。市民去投訴其實係行使監察大氣電波壟斷者嘅權利。政府真係發多三個免費電視牌，有多Ｄ競爭同選擇，咁就真係言論自由喇。

  3. 佢地竟然敢用燒死林彬做例子？做人可唔可以唔好咁無恥呀？林彬點死架？就係俾偉大既中國共產黨領導既香港土共燒死架，你呢個香港中央電視台竟然好意思用林彬嚟抹黑和平咁反國教既市民？你班人真係唔驚收尾嗰幾年架吓？

  用大路既講法，其實呢種東方文匯大公式嘅歪理，真係可以吸引到Ｄ教育水平唔高，思想比較簡單嘅人。用陰謀論講，鷹派又開工做嘢，搵維穩油水了。 

   

  • 1:51 pm
  • 2 Comments