September 1, 2008
-
社民連現象
因為有外邊的文字工作在身，不方便現在公開支持某社團或候選人。換個角度看，也為了文字工作，我有興趣探討的是社民連現象。
抗議票現象＋網絡傳染性影片現象＋名咀現象＋比例代表制現象＝社民連現象
補充一點，我不太讚成配票，因為變數太多，而且市面上的民調不可盡信，選民配票有可能做成意外結果。如果你真的支持某候選人，把票投給他／她，就是這樣。
又或者，投票阻止你最不支持的人當選(謝謝bigbrother1984留言提醒)，不過在這訊息混亂的時候，加上比例代表制，這種策略性投票真的要十分十分十分謹慎。
如果我住在九龍西、新界西或者新界東，我的投票意向會很明確。不過，到目前為止，住在港島的我真的還未決定投給誰。
延伸閱讀：
(本來想平衡一點的，抱歉在網上很難找到提及其他政團的blog)
社民連的「力量」在哪裡？ (葉蔭聰)
08立法會選舉：呼籲篇 (內有詳盡理據支持其觀點－無神論者的巴別塔)
求求你們 !!!! 看看吧 !!!!! (馬車熊的呼籲)(還有很久之前的...)
relgitsjg : 也談選舉 - 2008 年立法會 (九龍西)
Comments (74)
你好!
我也住港島, 亦未決定投給誰。
如果你真的支持某候選人，把票投給他／她，就是這樣。
對。
不支持何秀兰了?
你尽量发挥你那一票最大价值，不要让蔡素玉当选就行了。
九龍西也實在是很混亂, 難怪沒有提到, 哈哈
@hystericireul -
只係有時你會支持多過一個候選人o者
@siurekrek - oh...打錯字...應該係九龍西
还好这次陈四万没有出来。纯粹出于个人喜恶，我讨厌陈四万多于叶刘。虽然两个都讨厌
真不明白这两个8婆拿了这么多钱退休，好好享福不是挺好？为什么还要出来搞这搞那"献世"?
票投社民連﹗
今屆我投長毛﹗
@euyak - 同揀老婆一樣原理JE
所以何鴻燊之流好難去投票
btw
本身我唔覺得民建聯有咩咁萬惡，要搞到成班網民要去文革批鬥佢，誓要鬥臭鬥垮佢不可。
不過，鍾港武先生、陳鑑林先生、蔡素玉女士，呢幾個又真係好乞我憎。
阿sir，o的blog link有o的錯呀，要改一改~
ps 新界西我屬意Fernando....但支持少過5%...唉
@bigbrother1984 - 考慮中...
@blackgoldfish - 改正了。thx!
@hystericireul - 還有劉江華. 好在呢度唔係電台電視台，唔係又要全部名單打一次..嘻嘻
@iamsorman - 係喎...... 劉江華又係乞我憎......
但同時我又唔覺得社民連、公民黨、民主黨果d有乜咁好，上到論壇一樣打爛仔交。講辯論技巧其實係曾鈺成最好，講宣傳MV其實葉劉好過晒你班公民黨，講經濟政策根本大家就差唔遠，係自由黨「寧舍不同」。
只係因為社民連、民主黨、公民黨呢班人仲會堅持普選，唔會將條底線一退再退，所以先有佢地既價值，除此以外，我真係唔覺得佢地有乜咁高尚。但係網上既人就以抹黑民建聯為樂，一話佢地心目中既泛民鬥士有唔好，即刻成堆「土共左狗被收買」飛埋黎。
@hystericireul -
下!!!!!!!!!!!! "講宣傳MV其實葉劉好過晒你班公民黨" ----> 你唔係指 "reginababy"呀嘛?!?!?!?!?!?!?! (好驚喎!!!!!)
"講辯論技巧其實係曾鈺成最好" ----> 唔知係咪我先入為主冇心機听佢講既關係, 我唔係好知佢UP乜!!! 講口才其實我覺得蔣志偉幾好!!!!
"以抹黑民建聯為樂" ----> 都唔可以話係抹黑既!!! 派月餅 / 送餐券 / 搵細路派傳單....呢D係斷正架!!!! 同埋, 點解要所謂"抺黑"/"批鬥", 因為要作一個制衡. 係人都知佢係政府(港府/阿爺)既一部份, 鐡票仲固若金湯!!! 因此唔可以畀佢地咁氣焰.
仲有, 民建聯自己都做緊抺黑嘢!!! 不過佢唔係係网上, 係用最傳統既街坊八婆网絡.
毓民係NOW論壇之後因插民建聯而人氣急升, 成為佢地既新眼中釘(我估之前認為佢唔成氣候...), 早幾日, 就親耳听到一個同民建聯好FRD既師奶係度講是非, 話毓民係黑底(佢同向氏既關係; 佢有呢方面既朋友就全世界都知LA, 佢自己都有講過); 又話佢帶埋成班金毛出黎 -- 講是非果日係CABLE九西論壇翌日, 唔知師奶係咪指呢個, 但我上网睇番D人POST論壇D相, 我睇唔到有乜金毛喎 (有一個半個染髮唔出奇)!!!! 仲話D舖頭唔幫毓民貼海報就淋佢紅油!!! 但如果真係咁有勢力, 駛乜咁丫!!! 掟疊海報出黎就D舖頭就會乖乖地做嘢. 就我所見(以油麻地佐敦為主LA..), 民建聯似乎係最多海報!!!
之前又唔听見佢地講毓民, 而家畀佢插完, 又人氣急升先至听見佢地講!! 你話丫!!! 但呢D師奶一傳十十傳百, 就會好多人信!!!
@marcellabear - 如果話民建聯咁樣抹黑係唔啱，咁難道網上d人年年月月日日抹黑民建聯又啱咩...... 根本講黎都嘥氣，大家鬥衰。
@marcellabear - 你可以覺得葉劉套野肉麻，但莫非你覺得技術上佢做得差過公民黨之前果個？
@hystericireul -
再一次!!! 派月餅 / 送餐券 / 搵細路派傳單....呢D係斷正架!!!!
@hystericireul -
兩首都勁唔掂 (簡直喊驚)!!!! 所以...边首好過边首係冇分別 - 呢D叫海軍鬥水兵!!!! 同埋...唔好擺個"好"係葉劉首嘢度!!! 唔該!!!!
@marcellabear - 差都有分差同好差，葉劉果套事實上技術係做得好過當初公民黨果套，公民黨唔忿氣咪拍過套新個囉。
你討厭葉劉無所謂，甚至因此認為首歌唔掂都可以，但係技術上佢首歌的確做得唔算太差，好多好多自家製品。
@marcellabear - 咁咪去告佢囉
李慧琼夠有去報案話有人抹黑佢啦。
一樣有人影到相話黃毓民海報貼響其他候選人上面格。
其實...選舉文化, 唔多唔少都一定附帶有呢D所謂"抺黑"文化. 站遠少少睇只不過好似娛樂圈既八卦新聞咁啫!!!!!!
如果有人唔中意听到 "民建聯最無恥"呢句SLOGAN, 可以自己整番句 "社民連最爛仔"架. 咪你有你鬧我有我鬧, 最緊要唔好搞殺人放火開大片炸冧人地部腦咪得囉.
同埋...一听到"民建聯最無恥"就咁多人叫好...呢個係有理由架!!!
@marcellabear - 話「民主黨搞搞震」一樣大把人叫好格，咪被人當係「無知婦孺」「被收買洗腦」囉
@hystericireul -
如果持平D睇,你講既鬧來鬧去都可以算係FANS效應!!! 當然, 當中或有許多不理性既謾罵. 我唔講边果黨係絕對好絕對唔好, 但我好開心見到呢個現象!!! 只要齋TALK, 冇乜問題!!!
其實你話鬧來鬧去覺得好煩, 但我一D都唔覺, 仲覺得不知幾有趣!!! 多D聲氣, 社會先有活力, 一個多元社會既社會應該係咁!!! 如此, 人們便可以從各種謾聲中歸納到接近真理既事實.
@marcellabear - 係丫，大家有大家聲音係好事呀，但而家見到既只係雙方都唔肯放下矛盾，求同存異，只係識得有你無我，鍾港武固然係係響論壇大聲夾惡，但其他各方候選人根本亦係五十步笑百步。就算論壇以外亦復如是。呢個可能係制度問題（所以我地需要長毛），但係最重要既始終係大家個心態問題。而家誓要鬥倒鬥臭民建聯既風氣同文革有乜分別。
如果大家根本只係各執一詞，根本就講唔上接近真理與事實。
@wonghl - 我也是！ 很同意「如果我住在九龍西、新界西或者新界東，我的投票意向會很明確。不過，到目前為止，住在港島的我真的還未決定投給誰。」我或者會等鍾庭耀的「中期調查簡報」......
@hystericireul -
上述各方固然一定有無理謾罵既人. 但呢d可以唔駛理, 一笑置之就得, 唔需要太在意. 但亦有鬧得有理性既.
至於求同存異, 有d原則性既嘢... 係冇得同!!!! 你知唔知點解听到民建聯最無恥d人咁開心???? 因為有d嘢...講得誇張d係佢地既 "原罪". 有d嘢...係冇得同佢地同 (唔駛講大家都知係乜), 真係要誓不兩立!!!! (我想我會開一篇黎講下...)
肉麻就已經係差啦，仲理鬼佢乜技術丫。
民主黨就因為條片太爛，我睇完已經決定唔會投佢。
我會食窮民建聯，票投……民建聯XD
香港部分人連投票意欲也失去，理由是對所有黨失望
對他們的要求：最低限度去投票吧
泛民一日無組織，一日配唔到票
@smileooooooo - 唔知會唔會有一日可以票投易建聯......
我住在九龍西,但我絕對唔會投人個助選人會對市民無啦啦講"吊你老母"既人,絕對唔會比佢得逞!!!
@hystericireul - 「抹黑」唔好，當然如果講真話就冇問題。
不過都要諗下，想鬥垮民建聯的人，其實並不是要鬥民建聯本身，而是它代表的建制。
建制龐大，而且「建制」裡的人，除了分區議員之外，其他人都不受市民的選票懲治。
(而且在比例代表制中，一個黨派只要有足夠鐵票，亦不受其他選民影響。)
有一點我真的不明白，家中父母一向是民主黨(嚴格來說是馬丁)和蘋果粉絲，昨天家父說想投阿牛。我從來沒跟他們提過社民連，他們又不上網的，蘋果又冷待社民連，為什麼家父家母「無端端」會轉向？不明白...
最可能的解釋是他們上屆覺得被民主黨出賣了，而他們最近在電視看了選舉論壇。抑或他們接觸的朋友推介？
@dollydorothy - 有ｄ咁既事？邊個？
@hystericireul - 同意你所講，若以辨論技巧，現任議員及眾候選人之中，曾鈺成就係數一數二。
@Frostig - 係, 睇左其他選區既論壇, 我真係搵到想投既人, 但係港島,...., 真係仲未決定到, 民建聯個d 一定唔會投, 民主公民.....真係麻麻, 如果要投社民連, 我想比張票長毛多d...................
@marcellabear - 上次補選, 係現場既辯論, 我對蔣志偉已經好有印象, 口才真係唔錯,
@marcellabear - 上個星期日, 係銅鑼灣見到葉劉及史太祖係度遊街宣傳, 都有播段RAP 出黎, 再配合佢地既動作........., SORRY,我接受唔到佢地咁樣
@fongyun - 記得有一次, 有關一條唔知咩法要通過, 我睇網上報紙, 蘋果係講得最詳細, 講到明民建聯佢地係投反對或棄權票 (唔記得左係邊樣), 明報係只用左兩句講, 星島無提過呢段新聞...(可能睇原裝報紙會有講都唔定, 但係我無睇, 所以唔知,以上既係我睇網上新聞度睇到)
有時反對既係, 好似你所講, 係佢地個背後所代表既野
想補充返講投票個度, 最後唔夠票唔通過...
認認真真支持民建聯工聯會其實真係得啖笑。睇番佢地選舉時講過會爭取乜野，跟住到實際表決果陣投咩票，真係O晒嘴。反之，因為派米、月餅同自助餐而投佢地O既顯得更為理性XD
@hystericireul -
""而家誓要鬥倒鬥臭民建聯既風氣同文革有乜分別。"""
再講一次 : 點解要所謂"抺黑"/"批鬥", 因為要作一個制衡. 係人都知佢係政府(港府/阿爺)既一部份, 鐡票仲固若金湯!!! 因此唔可以畀佢地咁氣焰.
@Kursk - 緊係黃毓民d助選人啦!! 唔係仲有邊個woo##
今年得1、兩個正常少少的後選人..
@dollydorothy -
@Kursk -
睇睇呢個!!!!!
http://www.youtube.com/watch?v=xEQ-6DflXyY
@marcellabear - 你話佢地係政府一部分，我覺得係事實。
但係你話鐵票，根本就嘥氣，民主黨無鐵票？咁次次選舉果六四分野點黎？
而且咁都唔代表要鬥倒鬥臭佢地，仍然，係同文革無分別。
@hystericireul -
我既重點係"制衡"呀!!!! 你睇唔睇到呀!!!!!! 方老師都講左類似架 la --> ""不過都要諗下，想鬥垮民建聯的人，其實並不是要鬥民建聯本身，而是它代表的建制。
建制龐大，而且「建制」裡的人，除了分區議員之外，其他人都不受市民的選票懲治。
(而且在比例代表制中，一個黨派只要有足夠鐵票，亦不受其他選民影響。)""
咁樣係网上講下就叫鬥臭呀?!?!!?!?? 咁果陣五十萬人上街叫董建華下台咪.........
@wonghl -
有冇睇聽過呢首呀???????
http://www.youtube.com/watch?v=cZf0NCWE7sw
@marcellabear - 咁你又quote「文革」果句？
比例代表制中，一個黨派只要有足夠鐵票，亦不受其他選民影響。＞咪一樣適用於民主黨身上。
網上講下點解唔叫鬥臭？ｄ人網上講下「踢走」好戲量都叫網絡暴民啦，而家日日都話「民建聯最無恥」「淫賤聯」「淫賤孌」，唔通你覺得真係無問題？
你要鬧佢，真係請便，無所謂，但好似「九品芝麻官」入面咁講，「使唔使用到個老母咁盡呀？」
叫董建華下台，大家有原因，有理性好多喎。好簡單，成日話曾鈺成「心繫加國」，但唔係話直選入立法會要拎特區護照咩？佢係雙重國籍？我好迷惑。如果你話佢家人響晒外國，所以佢係有問題，咁呢種連坐法難道唔文革咩？
@hystericireul -
"咁你又quote「文革」果句？"--->我幾時有quote呢句??!?!?!?!?
"比例代表制中，一個黨派只要有足夠鐵票，亦不受其他選民影響。＞咪一樣適用於民主黨身上。" ---> 呢個係方老師講, 你可以請教下佢!!!!
"心繫加國"係話呀蘇咁涼咋喎!!!
董建華做得唔好要反佢, 同民建聯做得唔好要反佢又有乜唔同呢???? 點解反老董係理性???? 反民建聯係唔理性呢?????
@hystericireul -
好戲量只係一個小小既民間團體. 民建聯係龐大國家機器既一部份!!!! "小"民建聯既意義同 "小"好戲量既意義係完全唔同!!!!!
@marcellabear - 蘇錦樑係抵打，呢個無庸置疑。
你睇番選舉論壇啦，港島區一樣有候選人質疑曾鈺成「心繫加國」......
講左好多次，你反佢，唔係問題，你反到上綱上線，人地一講第一個字，主題都未知就鬧，咁除左唔理性仲係乜野？難道你覺得「淫賤孌」呢ｄ名除左發洩之外仲有咩批評既價值？
即使係咁，我覺得大家真係可以繼續「淫賤孌」「淫賤孌」咁叫，真係無問題，但唔該，咁就唔使扮理性，咁就無謂講咩「是其是非其非」喇唔該。
@marcellabear - 咁咪即係心底裡面大家係認定「龐大機制」一定有問題，或者同一個問題，響大機制入面係個問題，響小機制入面就唔係問題？
咁呢個係政府原罪，無法子解決的。即係「因為係政府，所以係錯」。
@hystericireul -
"""你睇番選舉論壇啦，港島區一樣有候選人質疑曾鈺成「心繫加國」//人地一講第一個字，主題都未知就鬧，咁除左唔理性仲係乜野？"""
你講既果d係電視既選舉論壇咋喎, 你鬧d网民"小"民建聯??? 定鬧d對手"小"民建聯先????? 搞清楚
@marcellabear - 兩者皆是。
講到尾，民建聯當然應該受批評，但我既質疑係「使唔使用到個老母咁盡？」
@hystericireul -
「因為係政府，所以係錯」---> 政府唔一定係錯!!! 但一定要防賊咁防佢!!!! 因為, 一係唔傷, 一傷就對人民既傷害係最大. 而且, 港府還可以...但....上頭果個.......
「使唔使用到個老母咁盡？」----> 睇情況la. 有d可能係小小膠民亂up啫, 咪睇完就算囉. 不過..佢地本身咁衰, 背後撐腰既"阿爺"仲衰!!!! 其實都抵用到個老母咁盡架!!!!
@marcellabear -
@hystericireul -
你地既討論好激烈, 我都唔好意思加把咀, 因為咩都唔識。不過, 就以網民個種"群起" 既情況, 一早已存在, 由我開始睇香港既新聞組開始, 已經有。無論係政府, 社會大小事, 就算係係一個手提電話既討論區, 都有呢d情況。佢地只係由一班有共同意見既人集合埋一齊, 討論情緒高漲。一有人同大多數發聲既網民有相反意見, 都會被圍。
如果唔了解網民呢一種咁既行為, 似乎, 就會以為一班網民既意見, 成為全香港人既意見。呢點真係要小心d。
所以, 一講到網民成班人點點點, 其實, 係咪真係須要認為佢地就係代表全部人?
ha, 講完。
(另外一問﹕話人「精神自瀆」得唔得﹖)
3. 當然，我一向堅持的是，不應該「作野」。如果罵政客的內容是事實，言辭偏激一點，我可以接受。就正如李柱銘也會被罵「吳三桂」一樣。
@wonghl - 我同意係要小心d。
不過，即使係「正常報章」既評論，其實亦日趨淺薄化。
你睇下蘋果既「評論」，幾乎日日都一樣就知。好簡單，有咩事，政府錯。
調番轉，明報果種「家嫂係唔啱，家婆亦有錯」既評論亦都睇到人呵欠連天。
香港委實缺乏一d有深度既評論，或者話，香港無乜風氣去讀呢類文章。
@iamsorman - 何秀蘭不也是很「懂辯」之人嗎？
@hystericireul - 坦白講，說「民建聯最無恥」是有 ground 的，這句只是「結論」（可以激起大家情緒的結論）而已。當然，我叫它做「賤港聯盟」也是反映我最它的所作所為的觀感、評述的......
@cwcw - 這些「放長線釣大魚」式「慢性」賄選，真的証明了「民建聯無恥」，可恨的是他們做了這麼多卑鄙的事情，竟然都是「合法」的！！！ ？！？！？！ :-@
派月餅可能有點誤會，因為今年大家都醒左，派都留返9/7之後先派，我自己個份都要9/10先收到；
但其他「慢性」賄選行為，不能否認．
至於師奶評論行為，上星期同該些支持者傾開，發覺一邊覺得李永達面目可憎，一邊覺得劉江華樣夠串，但問到點解要反對對方時，唔少人特別係前述的「師奶」，完全講唔出理由，即係心中由衷地覺得對家樣衰．
而立法會跟區議會的地區工作關係．有一部分人選擇候選人的原則係睇佢同所屬黨派的地區工作，多於政治取態．如此，今年泛民肯定勢危．
鐵票點來，呢度留言罵建制派既唔會投建制派，反之亦然，呢隻唔係叫鐵票，難道叫鋼票？問題出係當對手向中間靠攏，左右打亂（長毛係堅定托派，但係香港唔多見叫自己左派；建制派擺明保守到極，又用了中共用字，怕「右傾錯誤」），泛民鐵票就唔多夠用，於是話人家有鐵票，乃本末倒置．
同樣，建制派係對家唔出聲時成日話人為反對而反對、無建設、得把口，整個稻草人出來打，以辯論技巧計夠下三檻，怪在部分人又真係會自己埋位；泛民成日搬數據出來指自己唔係反對派，更加係中曬人地計．
利益申報：我係建制派團體做事，並不負責任何選舉工程．至於取向，唔需要再講了．
@galileo_c - hahahahaha I like this.
btw, 我話曾鈺成辯論技巧好，唔係話佢辯得清楚明白果種好，係笑笑口答你一大輪到最後你都係唔知佢想點，但佢又好似答左野果種技巧好。
@Frostig -
有法律就會有隙比人走無辦法，況且民建聯手段亦唔止呢類。例如佢地會積極籠絡屋苑立案法團，如果能成功控制，呵呵...先將原本苑內區議員報告板改成法團報告板(假如該區議員係民主派)，你區議員d海報就無得貼，改為貼民建聯地區幹事的「政績」，好快全苑上下師奶阿叔就會覺得區議員「無做過野」；屋苑有咩芝麻綠豆活動梗係落埋個地區幹地名增加知名度啦.....選舉果陣對手想去派傳單洗樓?唔駛諗，除非你係民建聯，咁你上樓做乜都得，仲有大把法團o既人幫你助選....
@cwcw -
你睇漏左一件事，好多時屋苑活動係區議會資助，呢舊錢係人人都可以用。泛民成日話人打入屋苑，咁既然又唔係犯法，受益既又係你選民，點解你唔做呢？籠絡都要有料有著數先得，如果完全幫唔到居民既，我又點解要畀你入去先？
我有時都要搵屋苑立案法團幫手貼野，好坦白，人地唔係歸左邊就奉旨幫你。告示版係有幫助，但如果貼完唔做，人地點都唔會理你。以我屋企為例，一直唔畀人做選舉工程，建制派想打入來，動曬員又點，個位人兄咩都無做過，咪又係投去民協；隔離屋苑立案法團係歸左邊，亦有你講既情況出現，的確係選左個民建聯阿叔 - 但阿叔政綱個幾隻字依家都未兌現，一直係度做既民協前區議員繼續其門如市。
同類例子最突出的仲有涂謹辛同鍾港武 - 一件十世都唔出來，靠地區樁腳，一個忍足八年慢慢做地區工作，終於選到，雖然依家有點得志而狂言。
千萬唔好以為入到屋苑就大曬，市民非常醒目，又食又拎，但係唔投你票，成日出現的。
3/Sept/08
我对港岛区的结果预测（也算很一厢情愿了, 但愿如此）
2 何秀蘭
3 甘乃威、
5 曾鈺成*、
8 陳淑莊、余若薇*、
9 葉劉淑儀、
返左屋企安全少少，民建聯、工聯會同親中人士已經配好票，某些一直否認的候選人實在不智，配咪配，反正民主派某程度上都會做。
至於阿爺之手，暫時仲未見到。
最可惜係因為HKUPOP發惡，泛民今次頗大機會唔做EXIT POLL。無錯，泛民自己都有用學術名義做，話人用來控制選情係燒埋自己。
@galileo_c -
我指o既籠絡係直情安插地區助理做埋法團裡o既職位，可以直接影響法團每一個動作。例如區議員如你所講申請左錢搞樣活動，但係連居民代表都聯絡唔到，點搞?呢度再顯示埋報告板的重要性。o係屋村法團可以控制每幢大樓大堂的報告板，少一塊就少一個宣傳o既地方。再加上地區助埋可以即刻搞番個類似活動(錢對民建聯唔係問題)，感覺就好似區議員無做野。你話唔係入到屋苑就大晒，可能係case by case o既分別。但係以我屋企附近幾條村發生o既情況黎睇，入到去控制法團真係可以玩晒
我知道有民主派議員唔做野，呢個係事實；但我想講o既係有好多做左野o既都可以比民建聯向街坊包裝到佢無做野，呢個就係民建聯識玩選舉同利用自己優勢(錢同人)o既地方。
@cwcw -
我都想有錢，等我計budget唔駛計到咁盡。。。
@cwcw -
咁林依麗冇講錯!!! 佢地霸晒d法團!!!!
選舉分析: http://hk.youtube.com/watch?v=XsS-o4JhgFE
倒竊聽條例, 立民間電台, 反領匯上市, 不信民調, 全家總動員, 票投社民連.
社民連名單:
九龍西 -> 8號 黃毓民 http://www.youtube.com/watch?v=USvKoGtCdHY
新界東 -> 5號 梁國雄 http://www.youtube.com/watch?v=v-R5mzhqsYY
九龍東 -> 2號 陶君行 http://hk.youtube.com/watch?v=2GblAx-ZzTY
香港島 -> 4號 曾健成 http://www.youtube.com/watch?v=qhjli2vHvmo
新界西 -> 7號 陳偉業 http://www.youtube.com/watch?v=pPts9L7VEvQ
@galileo_c - 唔同意。
泛民係有支持者，但泛民既支持者同建制派支持者唔同，後者比較聽話(會依從組織指示投票和配票)，但前者就冇咁聽話。我亦未聽過泛民有具組織的配票行動(至少冇人動員過我)，就算有協調配票，果D「呼籲」有幾多人聽都甚為可疑。泛民支持者更有可能一灰心就連票都唔投。
泛民冇咁多資源可以組織投票配票，就更不用說了。
一定投泛民，但唔一定投某黨某人，咁游離既都算「鐵票」﹖
(如果唔係咁游離，泛民就唔會搞到「人人告急」。建制派相對有冇咁緊張﹖正是因為後者有辦法配票，前者沒有。)
@fongyun -
會依從組織指示投票和配票不一定，從工作所見，加上今日同部份選民（DAB助選團）傾，個種配票好難叫指示，而係極複雜既人際關係網絡，最經典一句係「我係唔妥某某無做事，但都係賣返個人情」
@galileo_c - 叫乜野唔重要，最重要既係結果﹕佢地係會照住投。
跟蹤社民連
Comments are closed.