1. 開學第一條問題就俾學生K.O.

話說第一節綜合人文，我叫我班中二估下我幾多歲，然後要俾理據，我目的係想佢地學答問題要俾sound既理據，而唔係「我覺得你咁」，唔預佢地會答中，因為佢地全部本來都唔識我。

點知，有個樣子幾可愛既男仔舉手，講左個正確答案，然後講出佢既理據：

阿Sir讀完大學我估係20歲 (太睇得起我了)，

你話過你響呢度第六年，

（我反問：咁都係廿六歲啫，邊有32?）

不過我估阿Sir唔係一畢業響度教，我估你之前響另一間教左六年（咁你即係暗示我教埋今年就走？），加埋就32歲。

跟住我當然係讚佢啦，跟住同全班debreif其實好多時D公司面試，都會問D好無厘頭既問題，例如叫你估下全港有幾多人教琴，個interviewer唔係要你答得好準確，而係想睇下你既思考能力。學習人文學科都係一樣，好多時唔係要你答個絕對正確既答案，理據唔完全準確都唔緊要，最重要係要你有思考方法同埋論證既能力。

其實，我欣賞個學生既客觀分析，對他真的另眼相看。開學第一條問題就俾佢K.O.，呢個係好大既鼓勵。

對照：

(延陵科學綜合室﹔標貼由支聯會製作，1989)

3. 新疆

早果輪新疆既場面真係好似六四，尤其是一排排武警圍住個紀念碑果個場面。一個自治區首府有咁多人示威要求自治區領導下台，六四之後應該係第一次。呢件事象徵緊咩？大家自己諗下。

4. 敗犬女王

又係敗犬女王？係呀。剛剛睇晒，成個故仔本來好地地，但係最尾果兩集夾硬搵戲嚟做，又夾硬加好多之前D集數已經出過既甜言蜜語，大佬呀，睇到第廿一集係真係會滯架...

5. 開學

開學了。通識、經濟一齊開波。努力中。上堂既野本來可以寫多D，不過唔夠精神。遲D先。

6. 預告

之前話會寫高達0079裸體場面分析，其實已經寫咗，不過想再寫好D先貼出來。

最近買咗幾件改善生活素質既平野，有機會為大家介紹一下。

三師會將會同網台mobileradio.hk合作，將來我地既節目會同步響mobileradio廣播，為咗呢單野，我地錄咗三條好低B既jingle。有link既時候通知大家。

軍轉民系列一路未開始。