遠足

呢個禮拜，忙到呼吸都幾乎冇時間，返屋企仲要行十幾層，好灰。星期六去咗行山，好好呼吸一下新鮮空氣。







教授與周秀娜

果個座談會，有幾條問題，唔好話周秀娜，就算係葉劉都未必知佢講乜。教授可能覺得講外星話考起周秀娜巧威威，佢自曝其短仲以為自己好英。最好笑係，D八卦雜誌同民粹報紙就發咗神經咁嘲笑周秀娜膚淺同露底，完全配合呢D報紙既讀者想對周秀娜既「合理期望」，果D咁既問題，果D睇得心涼既讀者識答咩？

後來睇到教主短短幾句，bingo，教主果然係教主：

從周秀娜到科大講話一事，可看出大學教授和學生一樣，都喜歡對著周秀娜自瀆。

唯一的分別可能是，教授比學生更喜歡在公眾場合做。

好感

表示好感果單野，唔打算講太多。唯一想講既係一個已婚男人對一個女人講「我對你有好感」，係賊佬試沙煲，係一個含蓄既求愛手法，就算唔OK，自己同對方都好落台。如果女方反應正面，就會有下文。一個已婚男人咁樣做，唔可以話冇錯。不過，能夠judge佢有冇罪既，係佢老婆，唔係我地。

至於不合理解僱既問題，係一個民事法律問題，當事人已經同意和解，又唔係佢自己同傳媒投訴，傳媒仲爆佢全名，登晒相咁，傳媒想點大家應該睇得一清二楚。

認為佢應該辭職既人，係基於咩理由？佢做錯既事係flirt人？定係不合理解僱咗個員工？咁就要辭職？如果議員私德有瑕疵就要辭職，立法會閒閒地十幾人要總辭。

俾電視用既youtube畫面

愈來愈多用電視機上網，有時同miss食飯都係睇住個電視駁電腦播片。原來youtube有個「電視版」叫Youtube XL (http://www.youtube.com/xl)。其實同youtube差唔多，不過D字同buttons大好多，方便大家用mouse當遙控。

其實大陸既youku同土豆如果唔係成日斷線，佢地節目多，真係可以當video on demand食住飯睇。

分類小廣告：攝影服務

有個朋友想搵攝影服務，想自己租衫，去一D影結婚相唔會去既地方，影一輯低要求D、輕型D既結婚相。有冇介紹？