呢段係回應史兄既＜犬儒的迷失與沉思＞：

其實「錢唔係問題」唔係張文光講,係我講既。

我認同大哥頭半段懶持平既講法,我地不時見到身邊有人同老細周旋加人工既事,而決定教書薪津既係政府,我地同政府fight係好正常。

至 於係咪錢既問題,我只能以個人身份回應。最初我收緊point十幾既時候,冇抱怨過政府半句,我入得呢行,預左呢個人工。問題在於政府一聲話要加入職起薪 點,我唔係貪果筆加薪,而係真係覺得唔公平。唔加尤自可,加得唔公平,條氣無可能順。我再重申一次,最初我冇期望過政府加我人工,但係如果政府要加,就應 該加得公平。

至於公務員果邊,我以前都係公務員,我知以前同期班朋友都唔順,不過因為佢地響個系統入面,唔敢出聲。佢地冇出聲,唔代表政府個做法冇問題。

「食魚旦」呢個家傳戶曉既故仔,其實都好適合用黎形容外邊對教書呢行既敵視/輕視。

後記：

尊嚴是什麼？為什麼教師說爭取尊嚴會破壞形象？這令我想起一位前輩說的－－

因為加薪問題而引發「尊嚴」的爭議，邏輯上可以說和錢有關，但錢不是爭取的重點。如果你問我真的爭取到，可不可以把增加的捐出？既然說到這地步，我說會便好似意氣用事。可是我真的可以，橫豎本來那筆錢我沒有預計會有的。

尊嚴，我在課室爭取到，那是學生和家長的尊重，那跟point幾多沒有關係。可是，我要的，是政府作為資方的尊重，那些教育局的無聊紀念品，不是尊重。真正的尊重，是政策上表現出來的。薪俸計算是否公平，是其中一個具體表現。

我說「錢不是問題」，加不加薪不是重點，怎樣公平地計算才是真正問題。那是不是錢的問題？我會說是感受、士氣的問題。

士氣受損，還教不教？教！不過有問題不出聲，就是壞透的身教。