September 28, 2007
-
過度管理的城市(2) - 沙灘篇
小時候在沙灘玩排球、拋飛碟的美好時光，正式成為集體回憶。
為什麼要禁絕沙灘玩排球和飛碟？
如果要把禁令解釋(justify)的話，也許是因為這些行為會危害其他使用者的安全。我必須強調是「危害」，因為如果要是令某些人不高興而禁絕一種不危險的活動的話，其實是損害了喜歡這些活動的人的自由。康民署有什麼理由相信這些正常不過的活動會令某些人不高興，即使是不高興，為什麼要因為有人不高興而禁絕其他人的正常活動？
請問香港開埠至今有沒有人因為沙灘排球和飛碟而受傷？
說到尾，還不是那套商場實Q哲學－－「我不想背黑鑊，所以什麼也不可以做」。學網友說：這種沙灘跟泳池有什麼分別？
話時話，有沒有人會在沙灘玩單車和滾軸溜冰？為什麼連這些也要花功夫禁絕？
(下期預告：比五角大廈安全的香港教師中心)
連結:
Comments (16)
康文署都黐線！
sooner or longer ,swiming will be banned in the beach (by the bitches) =-=
hahaha.. thanks for the interesting pic.
咁樣要個沙灘黎做乜？同泳池有乜分別？
上面D人唔好齋鬧
公共空間管理,係有咩市民就自然有咩規矩
我夠覺得公園食得煙係最理想啦,因為我食煙加嘛
你要打沙灘波關我咩事?我又唔打既....
有D嘢你覺得ok,人地未必
未必合理,但係社會就係咁
我夠唔明點解上堂去廁所要比人記名
人有三急,去廁所都要管?
我地由細到大都係一個咁既社會到長大
無得埋怨
有因有果
問下自己,有無曾經不知不覺間都侵佔到他人既小天地?
例如唔養狗既,一見狗就彈開廿仗大叫嚇死人咩?然後怒目而視
我知樓主係想帶出公共空間管理既謊茂
我都覺得係
因為我又要放狗又想食煙
但係我明白,呢度係香港
香港人係咁
你可以去爭取改變政策
但改變唔到成個文化
係NY狗仔可以行mall行公園
公園仲可以食煙
但係同時間因應文化唔同有好多野好不便
地鐵唔準影相,Mall唔准影相
日本地鐵夠唔準講電話
香港禁既野,好似有D不可思議?就係因為不可思議才顯得.
係你喇,香港人!...呢D系香港人定既規矩
其實我想說的，就是禁止某些行為的理據是什麼。而政府的邏輯是杜漸防微，任何有風險，不理多少，都要禁。
呢D就咪係香港人處事手法囉
任何有風險，不理多少，都要禁。<-----------
由中小學到中小企都係咁架啦
慣喇
>> 話時話，有沒有人會在沙灘玩單車和滾軸溜冰？為什麼連這些也要花功夫禁絕？
(純粹猜測)會不會是這些禁制統一適用於所有康文署轄下場地(如籃球場、普通公園)，一次過做同一款指示牌，以減低成本......先別論會不會有人在籃球場跳水
另外, >> 學網友說：這種沙灘跟泳池有什麼分別？<-- 有！就是沙灘的水會有垃圾但泳池沒有 -- 指示牌沒說不可亂拋垃圾下海！(不過，罰款都是$1500一件嗎？)
空間狹窄便思想狹窄，這是定律，沒什麼好出奇的
如果大家像蟻一樣，倒也天下太平
可惜香港是：沒有遠見的政府 -> 缺乏公民教育 -> 不自律的市民 -> 出問題 -> 掌權人定下無聊解決辦法
一個慣字就唔去思考箇中有幾荒謬 (例一: 乜政府唔係只係代人民管理公共空間? 例二: 到底公共空間擁有權係邊個? ...), 當管到無微不至而你又覺得心安理得時, 個下就已經唔係叫家長式社會, 係類警察社會.
to : galileo_c
我諗先思考下係邊個教成我地咁
一係教育,二係媒體,三係家庭
邊個教成上面三者咁樣樣?
係社會,社會即係我地自己
思考,諗結果,都要諗成因
個成因往往係自己有份造成
如果下下都唔諗自己責任就賴政府
呢D先叫唔思考
呢D叫荒謬囉
有咩人自然就有咩政府
唔好再講咩野我地無民主,無權選擇政府果D野
如果香港人真係覺得普選大個天,要當家作主
香港可以好似車臣獨立份咁武裝起義
又或者可以好似67暴動咁到處刀係菠籮
但香港人選擇左和平示威,同埋絕大部份既人都係有飯開就得
日後結果當然係普選無期,因果關係
你係咩人,你就要接受你自己優點同缺點所帶黎既一切後果
香港人點解會係咁?
教育,媒體,家庭教成你咁
你又教返社會
社會又教返教育,媒體,家庭
我所講既慣就係習慣見到一D人,責任感零,卻終日埋怨社會與政府
無奈佢地係香港人既一部份
我只可以習慣
慣不代表合理，所以要發聲
香港是一個受過度保護的城市.
沙灘不可以玩飛碟打排球﹐去沙灘還有什麼可以玩﹖不如堆沙都禁埋啦。
這個超奇怪的十二不准,是在哪個沙灘攝下的?
@leonablogspot -
是聖士提反泳灘
Comments are closed.