August 11, 2008
-
戲院禁吃爆谷？
曾經有女性友人對我說：
「入戲院睇戲時食爆谷(穀)是很重要的，有時候選擇入戲院睇戲甚至係因為有爆谷食。」
我相信對於一些人，尤其是女性來說，視覺和味覺的享受是相輔相成的。
有報道說英國連鎖影院老闆說：「我將在每家影院禁止觀眾吃爆谷。它對影院裏的氣味、文化氣息都有影響，還會造成清潔問題。」[明報報導原文]
的確某些電影不適宜吃著爆谷看，例如文藝電影或者題材較沉重的電影，一邊看一邊聽到吃爆谷的「咯咯」聲，感覺不太好，試想像看受難曲的時候，看著耶穌被釘穿手腳，旁邊傳來牛油香味和咯咯聲，好像自己也變了喊打喊殺的猶太人....
不過，有一類叫做「爆谷電影」(popcorn movie)的片種，娛樂性豐富，沒有沉重的議題，本來說是讓人吃著爆谷輕輕鬆鬆入場看的。如果禁了爆谷，爆谷電影就不好看了。
況且，對於一般戲院來說，爆谷和汽水的利潤不是小數目，一杯成本兩三元的爆谷，賣三四十元，食水甚深也。這也是一般戲院禁止觀眾帶其他食物入場的原因－－大家一定要吃我們賣的爆谷。
說到爆谷，不得不說約會。
戲院是很多男女約會的好去處，因為不用想說什麼，而且黑漆漆一片，可以有一點「私人空間」，更有大量身體接觸的機會。有一天有朋友告訴我，他和心儀的女孩子看朱羅紀公園，冷不防一隻速龍撲出來，嚇得女孩子捉著他的手！這樣他的單身歲月便結束了。如果沒有速龍幫助，爆谷也幫到手－－拿爆谷的時候「不小心」拿著了對方的手手，不過始終那是一堆爆谷，拿著了手手之後不要死不放手，要表現出一點點的尷尬，如果大家真的「過電」的話，這是一次好的開始，之後機會多的是。
====================================
預告：
「唔收錢廣告」系列反應很好，我已經接了兩位客戶的orders，不日推出。各位有什麼想在這裡宣傳，可留言或message我，都係唔收錢既。
Comments (29)
「更有大量身體接觸的機會」
老師真是經驗之談耶......
但戲院的爆谷經常大大包，很多時吃不了又不想兜著走......
@hystericireul - 都是聽朋友說的,haha。那些爆谷根本不預你食得完。
@Kursk -
「冷不防一隻速龍撲出來，嚇得女孩子捉著他的手！」
台上台下同時上演速龍速食場面......
為甚麼那些爆谷不預計你吃光？好浪費！
你講真架禁食爆谷!??
唔係掛!!!!
不過我次次去戲院睇戲...食爆谷都食得晒架喎-v-" {顯得我很大食的說XD}
點會唔預計你食晒呀...
我每次吃光光重唔夠添....
elements有唔同味ge調味粉畀你加落d popcorn度,
好似shakeshake薯條咁ga
那個英國老闆禁止吃popcorn,
唔通係為左改賣薯條/薯片/熱狗?
eeee...原來我睇錯左..係英國禁食...
唔係香港=V= 燸左TIM..
SORRY..
但係英國都唔算係特別乾淨喎..
係LONDON的地下鐵 好多時都會有好多垃圾係度
仲要係冇人清果隻...而且亦都唔會有人管..真係好DIRTY..
既然果個老闆話要搞影院的清潔問題..
點解唔提議英國政府搞下地下鐵的清潔問題先呢..
地下鐵的清潔問題比起影院的SERIOUS得多啦...
冇左pop corn，睇戲都冇左好多樂趣
不過牛油爆谷陣味好香的，反而不喜歡焦糖爆谷，因為香味（和味道都）太甜
可惜唔係間間戲院都有咸爆谷賣
令到我會出沒的戲院名單短左好多
傻仔黎o既，去鑽石山睇戲，樓下都有泰昌蛋撻食啦。
傻囡黎o既，去淘大睇戲，隔黎都有薯片賣啦！
傻豬黎o既，去旺角開房，個掌櫃都有套仔賣啦！
買貴野，食貴野，值唔值先？
@adrianlu1026 - adrian同學，你第三個比喻有點不適用於戲院的例子。戲院的思維近似迪迪尼同一般食肆，就係你入得黎食野就要食我既野，係合約隱含條款，而且呢樣野容易enforce。你第三個比喻既情況，如果要禁止顧客自己帶物品，根本不能enforce。
@destiny0731 - 我估計可能那院線是專播文藝片的吧。
中學年代,試過偷運隻美心雞脾入皇室戲院食,當時仲沾沾自喜... ~_~
依家睇戲,好怕附近有人食爆谷,或者薯片... shap shap聲,都幾騷擾0架...
@Kursk - 謝謝老師教誨。但老師有無試過去旺角開房？同埋幫掌櫃買套仔？
Raptor = Cupid...
@adrianlu1026 - Adrian同學，我們做學問的，不一定要去過那地方。我們可以透過文獻得到資料，配以理論分析，得出結論。如果沒有足夠的文獻資料，我們可以田野考察方式搜集資料，不過田野考察有很多不同的原則需要遵守，在這裡很難詳列。至於你的問題，我可以告訴你，我沒有親身到過那些旅館。
@lazybrenda - 我、或者我既朋友，都試過帶成個肯德基餐入場食...... 好似試過食桶餐添......
老師，對唔住，我犯左院規
@lazybrenda -
@hystericireul -
其我都會帶麥記既包入去食。我覺得果ｄ熱狗同爆谷完全唔岩口味，但有時未食飯又唔想食果ｄ野，卒之買個魚柳包入去食。我係違反左同戲院既合約，就等於你帶野入迪士尼食一樣（當中是否涉及道德問題，須再以三千字討論之）。
@starsman - 會唔會係個別老闆既喜惡？
@Kursk - 老實，我覺得呢d叫「你做初一我做十五」...... 鬼叫佢地d野貴得咁離譜......
而且，我覺得佢地其實唔太捉... 只要你唔好食得太串，佢地其實唔係點理你...
所以我覺得要用三千字討論既係，點食先為之「串」？
一向支持戲院唔俾食popcorn!! 好鬼嘈!! 我情願俾多十蚊換黎冇食物, 冇電話聲o既一場電影欣賞
my record is sharing 肯德基全桶套餐 & 白切雞飯 with my frds during high school years....in uniform...
what a shame hahaha!
以前試過同班friend去百佳買幾盒壽司再加幾罐啤酒放落袋，入到戲院攞壽司出黎食，即刻成陣wasabi味，再一路「隊」啤，不知幾爽。
@iamsorman -
無電話聲唔知點解真係好似好難咁，之前睇赤壁，有條友一場響三次電話都唔改震機
「唔收錢廣告」系列可否介紹我的blog上的《旺他努的故事》？
可能我真係冇乜「情趣」，我絕少入戲院，入都好少會食野。
因為食野會令我無法專心睇戲。(嘩，大佬，張飛好貴架)
更慘的是，某些拍拖跟女友去看恐怖片，但完全沒掌握到「庫大之要領」，睇完戲後人地問我覺得點，我就同佢討論個片名如何不對題……
(畫外音﹕呵，俾人飛都抵你死。)
我試過帶 Starbucks 飲，效果：勁寒 (離題)
爆谷：經常混雜無味或硬到死成分
某同學：買貴野、食貴野，有時是時機問題，難以避免。
@caramel0o - 老實說,戲院的食物選擇太少了,而且味道不好。starbucks的咖啡比那些不夠汽的可樂好得多了。
@hystericireul - 我思考既係「遵守合約」vs「向不合理合約條款說不」的資本主義倫理問題,三千字可能唔夠寫,所以都係唔寫。
@iamsorman - 響電話應該捉出來打,或者罰錢。
@amoebien - ha,直情係開飯咁開!
@euyak - 呢d人根本冇腦,或者智能未達智人的水平。
@Big_Snake - 好啊。我會連我地既故事一齊出。等一等吧。
@fongyun - 通常真係好娛樂性既戲先會食野,食野一來分心,二來隻手污糟了好麻煩。方大睇戲果然係有方大既一貫style,你不如同人討論埋套戲既社會背景同埋當中既政活含義, haha.
@Kursk - 其實我都唔鍾意睇恐怖片，亦唔識欣賞背後有咩含意。(依家反而係諗番人地揀恐怖片可能另有含意
)
> 響電話應該捉出來打,或者罰錢。
中大開校友評議會，主席講過一句﹕開會時響電話的，捐一百蚊俾小扁擔計劃。結果真係有人要捐，哈﹗
@hystericireul, @Kursk - 我們真的吃得完的啊！（當然不是一人一杯啦！
）
@chungpui - 你們不夠「過份」，我們有一排排的多多，超級的三文治，然後有些粉叮叮咖哩薯仔牛腩、街頭咖哩魚蛋、烤魷魚、吉之島甘蝦 sashimi、整包蝦條、薯片、支裝飲品等等等等......
真的很正！ 很豐富的！ 
「『唔收錢廣告』系列反應很好，我已經接了兩位客戶的orders，不日推出。」？反應很好？也應該的啦！
Comments are closed.