一路想寫關於四代香港人既野，不過每次寫咗幾百字就會陷入一片混沌，於是將寫咗既字當private post算。呢輪就咁儲咗兩三千字冇出街。
我未理順自己諗法之前，我都係唔寫住。
之前有朋友搵影婚紗相既服務，收到好多介紹。呢種人人為我，我為人人既精神，實在難能可貴，所以朋友叫我多謝各位幫忙既朋友。朋友有玩影相，所以對婚紗相公司或者studio既sample睇得好仔細，佢話各界朋友介紹果幾間已經算係唔錯，有D上網搵到既studio或者photographer，放上網站既相都唔見得人，唔知佢地點搵到生意。後來，佢去金都D舖頭度睇，睇到有D舖頭擺出嚟俾客人睇既相都好有問題，所以都好奇怪佢地有生意。朋友要為太擔心影得唔好，所以問完人之後，再仔細咁研究D samples，希望搵果間第日D相生生性性。
之前響反動基地《星期日明報》睇到一篇講結婚既文章，裡面提到睇人個婚禮同婚宴，大概會睇到果對新人同佢地既家庭既性格同社經文化特質，諸如此類。好多時我地會對人家既婚禮有D「如果係我我一定唔會咁做」或者「我唔可以犯同樣既錯誤」之類，聽講女人響呢方面比較唔忍得口。不過有時諗：車，個婚又唔係我結，佢地開心咪得，嚟得你果餐，都係鄧佢地開心啫。只不過如果到自己攪既時候，之前所有「我唔可以犯同樣既錯誤」既回憶就會即刻recall，所以可以愈見得多，愈大壓力。
最近iCable上網疾得好離譜，又慢又疾，上網搵資料，加埋熱線果個人講，先知原來熄咗一段時間再開過就有可能回復正常。試過，都算可以接受。有時候覺得寬頻呢味野，又要簽約又冇保證，就算裝機既時候試係正常，唔代表將來都正常，有D就本來都好多人話唔好，你都係要試，有事都冇辦法。就好似我同iCable仲有大半年合約一樣。
而家有時會睇夜晚既電視劇，間中會睇果套港版大長今，同埋果套熟女爭仔記，呢類戲果然係無線既強項－－反映女人兩大心魔既角色，一個楊怡做，一個郭可盈做，睇得女士們咬牙切齒。
星期日響灣仔巴路士街既一間茶餐廳食午飯，間野好奇怪 .... 一個人都冇。食完之後，果度發生一件事，我相信反映到一ｄ野：佢個老闆間竟然響間茶餐廳打乞嗤唔掩口，相信呢個係冇人幫襯既原因。
Comments (7)
我果間早排都係咁斷線，等我仲以為係俾人樓上修震甩咗，原來熄左佢部野過多陣開返又得。
睇人個婚禮同婚宴，大概會睇到果對新人既性格同社經文化特質----> 不能完全同意﹐亦請庫兄不要給自己無謂的壓力。很多人在婚宴上的安排﹐都不由自主﹐往往反映其中一方家長的社經文化特質多一點。
又講婚禮... x!
一講就火起!
@bigarnex - 還是你心水清。我本來是想說包括家庭的。(已修改)。幸好我朋友的雙方的家人也是很包容和易相處的。
Germany international football keeper Robert Enke killed himself. What a pity.
Rob, rest in peace.
有D上網搵到既studio或者photographer，放上網站既相都唔見得人，唔知佢地點搵到生意。
Totally agree!!!
UM, you want to know why? Just because, simply...... There are too many couples who don't know about photography (and even NO aesthetic sense at all)...... *SIGH*
So, when will be the big day of your friends? Congratulate them La!
I am also using i-Cable (a.k.a. sufferer of i-Cable).
The network disconnected itself *suddenly* yesterday. Yes, that IS the method to 'reconnect' it, crazy enough!
But still, it is VERY SLOW now.
Comments are closed.