August 16, 2011

  • 不想看到六四T恤?滾回北京吧!

     

    這是一件十分嚴重的事件，一定要追究。香港幾時禁止著六四t-shi​rt架？果度仲要係私人住宅黎架大佬。特區警察同公安有咩分別呀​？仲有，抬佢走既人冇表示身份，更加冇表示行使緊乜野法律權力，理論上係非法禁錮，係嚴重侵犯人權既做法。

    侵犯人權太誇張？你試諗下，有一日無啦啦有四五個黑西裝大漢冇表明身份夾硬夾你走，佢地可以係黑社會點錯相、擄人勒索，甚至係公安跨省都得，咁你知驚未？

    呢班黑衣人究竟係G4定係北京既國安？如果係前者，就係特區政府泛用武力既​問題，一定要投訴去監警會同立法會保安事務委員會；如果係後者，​事態就嚴重百倍－－大陸國安黎香港既私人住宅區向只係著住六四T​-shirt既香港人施行武力，呢個唔只係一國兩制不保既問題，而係國​安南下香港鎮壓言論自由。

    圖片來源：麗港城有男子身穿「平反六四」上衣被帶走(RTHK)

     

    打緊字既時候，竟然有警察宣佈果位被夾走既市民係「被通緝人士」(報導連結)？！但好明顯果幾個黑衣人抬佢走既時候就唔知佢係「通緝人士」，而係因為佢​著住件六四T恤，否則唔可能抬走佢之後放番同記者講野。特區公安​唔好混淆視聽。

    聽日警察一定會話「保安人員有理由懷疑該名市民會對副總理既安全構成威脅」，呢種廢話搵鬼信。個重點係有人唔想國家領導人見到有人著住件「平反六四」T-shirt出現，或者唔想領導人同「平反六四」既口號出現響同一張相上面，所以唔理得咁多咩法律同基本人權，夾硬挾持市民離場。

    佢地唔係第一次係咁，上次奧運火炬黎香港，佢地為左唔俾反對監禁胡佳既標語出現，一樣係濫用警權毀壞合法既抗議橫額。總之就係如果有政治任務既Order，特區公安就會不妄顧法紀黎做野，任你之後點投訴都唔會有用。

     

    不過，就係因為警察或者國安咁橫行霸道，香港人更加要出聲，唔可以俾佢地繼續咁逐少逐少侵犯我地既權利。李克強，唔鍾意見到六四T恤既話，你同你班保安唔該上深圳搭高鐵返北京。香港人著咩衫唔到你管！

     

    （影片連結：http://youtu.be/fgjguKkd26I）

     

    （唔好意思，呢篇因為係「突發」，所以又用口語。）

     

     

    延伸閱讀：

    明天讓我們穿平反六四T恤返工
    肥醫生：「明天，請響應FACEBOOK群組呼籲，穿著印有平反六四的T-SHIRT出街又或返工。我們要以沉默的行動，抗議政治打壓，抗議香港變質，抗議最後的自由也受侵害！」

     

     

Comments (11)

Comments are closed.

Post a Comment