黃達東係民建聯既委任區議員，近兩年響美孚新村活動，最近頻頻做宣傳，應該是打算出選該區。

上面既宣傳單張充分說明了民建聯強項：有人放水，就扮成功爭取，而最urgent最災難的​事就將不明真相的市民蒙在鼓裡：

1. 孚佑堂本身冇車路連接，要起樓除非要無恥管理公司(匯透或者其分身公司匯透地產)整條路出黎，再好似石油氣庫隔離條公家路咁賣俾祥達Ｄ咁既打手公司先可以起樓。黃達東同民建聯只係扮「成功爭取」一D冇乜可見危險既​野，就大鑼大鼓響度邀功。

2. 鄭家純曾經係民建聯監察委員會(根據09年明報報導)的成員，石油氣庫單野根本就係新世界旗下既匯透攪既好事，亦即係黃達東既黨友旗下公司既好事。

3. 所謂翻新孚佑堂，錢還不是從美孚的管理費

如果有機會見到黃達東，我會問佢​石油氣庫單野攪到今時今日，居民被恰到幾乎要玉石俱焚，佢做過Ｄ咩？佢有冇同佢個黨既好朋友鄭家​純反映過任何野？

劉若英要結婚了 (刘若英在官网上宣布已经结婚：谢谢大家的关心-搜狐娱乐)。

平日不理娛樂版的，不過今次不由自主地按了share。

認識不少七八十後上班族朋友的playlist都會有兩三首劉若英的歌，可能是有所感觸、也可能是找尋繼續上路的勇氣、也可能是純粹喜歡。大概最多人喜歡的是《後來》吧，這些年來就是總會在iPod/K房/boutique/腦海聽到。

後來不要播了，播幸福的路吧。喜歡她的朋友，應該為她感到高興。