August 28, 2008
-
考慮辭職
你是2000至2006年入職的教師嗎？
你有沒有想像過同年入職，現在職級一樣的教師，有可能因為不公平的制度，工資可能差距幾個增薪點？
這是哪門子制度？
教育界有個一點也不好笑的笑話，就是如果你叫學校讓你辭職，然後再騁請你，然後讓你regrade，你的工資便會包括本來被政府一筆鉤銷的年資增薪點。（即是辭職再入職，人工可以升幾千）
如果你是受影響的教師，請你到教協網站登記。
我不是幫教協拉票，我只是想各位同工不要任由宰割。上年的遊行抗議行動，是我們幾個不怕死的教師跑去找教協求助，然後跟理事會一起發起同工出來抗議的，雖然沒能改變政府的做法，但至少我們嚐試過。
你可能會覺得選舉期近了，又是張文光拉票的時間嗎？不如這樣想，三個候選人之中，誰肯幫我們這些沒人可憐的年輕發聲？（何漢權的參選政綱完全沒有提及這問題，余綺華連競選單張和網站也沒有，候選人中只有張文光理過我們。）
沒有抗爭，哪有改變？如果沒有華叔一班前輩七十年代的抗爭行動，現在官校和津校的教師會同工同酬嗎？
我們這些沒人可憐的七十後教師，也許註定抗爭失敗，但我寧願抗爭失敗，也不願被政府當作弱者。
（考慮辭職只是引大家閱讀的題目，我是喜歡教書的。）
Comments (39)
如果候選人中真只有張文光站出來，別人又怎能埋怨老是他呢？
加油！做教師是一個很有意義、責任重大的使命（而非一份「工」），支持你敢作敢為，走出來爭取權益。
至於香港的選舉……算了吧。
庫Sir，我也是受影響的教師，03年入職，政府也只肯加至跟起薪點一樣。而且讀完教育文憑也沒有Point加，因為03年已經取消了這個政策。
我覺得做老師是一份高尚、有使命感的工作，支持力爭到底，縱使未必能夠成功，都希望老師們能夠團結一致，爭取合理待遇。
考慮辭職只是引大家閱讀的題目，你是喜歡搞事的
支持！
不是 (單單) 說支持搞事呀
@PUCC_Cusson - 我想用「合理待遇」容易混淆。
或者該說是向不公的制度說不吧。
我比你更灰，我係２００１年入職的CS，除了睇住舊年入職的新人攞住同自己差唔多的人工外，還有一個本職系”獨特”的recruitment policy 。如果話呢個制度設計得唔公平，我覺得我（幾乎）係呢個制度的(唯一)受害者，有沒有教我可點”屈機”？你尚且有大批同僚，我．．搵邊個幫手？
比著係私人機構,你覺得人工不合理咪走囉,老細彩你都傻
你覺得老細比人工隔黎team多你一倍係唔合理咪走囉,從來都係咁
你抗爭完,唔會比人炒已經係非常幸福
不過大家攪咁多野,都只係為左自身利益
談不上甚麼正義之舉
@simoyip -
@simoyip - 你見到上文沒有提過「公義」兩字。不過多提一點，就是實際上香港幾萬個教師都是同一個僱主的，人人都說你覺得教書待遇不公平咪走囉，可是我的確希望教育下一代，我惟有向教書的唯一實際僱主爭取，沒其他辦法。（事實上，在外面的公司，直接向老細爭取加薪是很正常的事，相信你也見過不少）
@Kursk -
揀係你揀嘅
我只係提醒你
你可以大條道理爭取
不過一切只係代表你個人嘅利益
@simoyip - 老師呢個界別既情況唔同喎......
佢地去到邊都係一樣跟薪級表黎做人工既指標，所以你用私人市場黎類比教育市場係唔恰當......
@simoyip - 多謝你的提醒。
mr yip is too autistic...
唔係呢個制度裡，唔會明呢種憤怒
真係好鬼低能，係一套很差的薪酬調整方案。早前外傭稅，鬧得沸沸揚揚。我心諗，咪如出一轍
但人地有報紙出聲(嘿，正值選舉，大好籌碼)，因為佢得罪的係全港幾十萬的中產家庭，。
我們，示威做過，抗議做過，那姓俞的仍堅拒不肯改。
其實，大道理企響邊度，大家心知肚明。荒天下之奇大謬，傷盡無數人感情。
上面個位乜生，大把私人企業員工都會爭取自己代遇。爭.取.個.人.利.益，從來唔係可恥的事情。
he simply condemns every action taken by others bcoz he can discovers the selfishness of human nature from everything.
in his world, decency , nobility & diginity never exist.
it's beyond cynicism
等等，我唔覺得今次呢個問題係「自私」問題喎。（雖然「自私」唔一定有問題）
老師之前其實好多篇文都有講過，老師呢類職位既特別性質響邊，就好似醫生、社工咁...... 唔同私人機構，所以調整起薪點係會造成好大影響。
如果唔係調整起薪點，而係調整所有薪級點既薪酬數字，我諗個問題未必會出現。
七十後教師? r u a "Triple S"? Seventies, Single, Stuck
hahahahahaaaaa
你會不會就上述議題在 facebook 開番個group?
@simoyip -
" 比著係私人機構,你覺得人工不合理咪走囉,老細彩你都傻 "
咁又未必!!!! 屈臣士, 雀巢呢D都係"私人機構"黎果喎!!! 佢地老細好似冇"睬佢地都傻"!!!!!
@marcellabear -
人地罷工,教師有無罷工?
我諗係香港教師如果因為咁而罷工都幾難得到市民嘅體諒
你話制度不公
我想知有邊種制度係公平?
制度下必定有既得利益者及一定有人得益較小
制度外的人不會關心誰得益較多
就如的士長加短減,最大損失係八折黨,佢地咪嘈囉
我覺得
劃一薪酬本身就係一種不公平制度
做野勤力同做野懶散嘅人有一樣嘅人工
係都要拗點先叫公平
真係有啲多餘
@simoyip -
我冇叫d老師去擺一工 !!! 人地教師都冇話擺工!!!! 佢地用另一種冇影響學生(巿民)既方法去掙取啫!!! 我既意思係..."私人機構"既人唔係人人都好似你講得咁"逆來順受"!!!!!
@hystericireul - 所以三選一的話還是要選他,至少他有理會過我們。
@belugaland -
@PUCC_Cusson - 謝謝。就是大家太怕事,才會被恰到上心口。
@caramel0o - 遇到不公平的事才會「攪」,我寧願沒有這些事,可以安安樂樂上吓網,讀吓書。
@b - 一個成熟的公民社會就是人們有自覺性,面對大問題的時候不會任由擺佈。外傭稅呢單野真係攪笑,或者係政府同僱主同外傭開玩笑。你是僱主?
@b - CS是懲教還是海關?其實受影響的教師就算有幾千人,沒有抗爭的決心,還是被屈機。
@hystericireul - 尤其是教師和社工,因為幾乎沒有私人市場。
@bigbrother1984 - 可能有第四個S... submissive
@Bearbiscuit - 點解我之前冇諗到呢?今晚開工做野。thx!
冇，屋企冇菲傭。我只係覺得，政府在推行一些(佢自以為係)德政的時候，真係要諗清諗有冇漏洞﹕legal, contract、人情、士氣.... 樣樣都要透徹地go through。現在很明顯係考慮唔夠周全，(班 AO 自己唔夠料，好心 seek DoJ/ accountant advice)，然後再用佢地(睇黎坐住左的) common sense ，去諗諗那些剛好在政策下不能受惠的人，佢就知政策係如此荒天下之大謬。
我唔係紀律部隊，只係civilian staff grade，基於職系的獨特性和現有工作崗位，我覺得自己被三重屈機，唉。
@Kursk - 講真，我唔中意張文光，我甚至唔中意民主黨。
不過，差鬥差之下，始終往往都係佢地好D。
@b - 可唔可以介紹多D??? 我真係唔清楚你既職位做乜......
我覺得而家事後睇番...... 可能係當時個經濟環境太差，為左節流無所不用其極，明知唔掂都做左先......
因為老頂（董建華/ 梁錦松/ 李國章等）都唔係公務員出身，唔明白呢Ｄ制度既野一改可以牽連極廣，所以就鑊左。
不過平心而論，我覺得梁錦松係有才能既，佢只係生不逢時，同時生錯地方。
@simoyip - 這是歪理。
爭取個人利益，當然是事實。但爭取利益，不等於不能稱「正義」。你這種想法「爭取利益就是小人」有何分別﹖
最重要的是，爭取的有沒有道理。
你不喜歡現行制度，但現行制度就是計算年資。怎料其中有一批，就係計少幾年，咁算唔算公道﹖
利益被剝削既人出黎爭取，又何以不能自稱「正義」﹖
如果Kursk係話，我要加得多過其他人。咁你再批評他不正義也不遲。
上位個位鬧得好。
其實舊年政府律師出黎嘈過，寫過一封公開信(類似)。(大家諗下幾吊詭....作為政府的legal adviser，嘿 ) 。後來點樣解決/擺平(??)，我倒有興趣知.....
我做乜，我之前已offer hints。知既會知，唔知既..算啦。
@simoyip -
咁如果我作為一個局外人覺得唔合理呢？
@simoyip -
真係世事都給你看透了，咁起碼都仲有相對公平呢回事o卦.....
如果人地(自認為)自己係老油條，看破世情，算吧，由得佢。
所謂公平完全源於大眾希望利用制度去達至約束
追求公平,往往係出於自身利益被剝奪
只有無能的人才會尋求建構公平制度
我滿口歪理,應該歪不過樓主對版權制度的藐視
<a href="http://www.xanga.com/Kursk/672036685/32771249423678132887.html?nextdate=1448367997&direction=n#1448367997" class="replyto
@fongyun -
@marcellabear -
@b - Sorry, what is CS? What grade is it?
你們只要辭職（再受聘）就可以拿回那幾年的 increments？ Really?!
@wkkam - 為甚麼沒有加 points？ 我的朋友也有啊！（也是03以後的，應該......）
@b - 你是 AO？還是 EO 呀？甚麼「獨特」 recruitment policy 呢？Civilian 去年有招聘的，不也只是這兩個 grades 而已？可是，不記得有遊行啊！難道是社工？ 不知道了...... 你會開估嗎？
如果版主開左facebook, 或有進一步消息，煩請通知。雖然和我沒切身關係(唉~~~)，我，倒是有興趣知。
總之，加油，我唔相信所有局外人都認為我們係無理。呢幾日我在想，在整個grade，我真係一件被人遺忘的垃圾。話，垃圾，真係不為過。(搖頭~)
看見張文光為你們幫手，我覺得你們真係好彩。外人可能唔係好明，薪酬調整，其實係一套非常非常複雜的機制，唔係一個資深、在呢行打滾好耐人，很難明白裡頭的來龍去脈。這類人物，就算係其他界別，已買少見少。所有，你們教師，要把握機會反映意見啦。
我到依家都唔明，一件咁有爭議性的加薪方案，點解可以比CSB撲熄?
@simoyip - 「只有無能的人才會尋求建構公平制度」
可能是因為有能的人通常會去破壞公平制度﹖
你對網主有某些不滿，是否代表他的其他說法，都是歪理﹖
@simoyip -
你第一個留言說「在私人機構抗爭，人地睬你都傻」，
已經雀巢，屈臣氏公司的工人抗爭事件推翻。
之後另一個留言說「只有無能的人才會尋求建構公平制度」，
這句說話只有論據沒有論證，那麼你想別人怎回應你？
看來你不是存心討論，不過不要緊，我來回應你，
我覺得係你呢種奴才，做林瑞麟公公個位，真係會再適合不過。
哈，抽水，可以加少少具說服力的論據呢？
Comments are closed.