December 8, 2008
-
曾俊華教訓林海峰
最近的財政預算案宣導片，其中兩段不知是攪gag或是真心塑料，裡面的意識十分之耐人尋味。
1. 2009-10年度財政預算案諮詢（一）－主婦篇
(觀看短片：http://www.isd.gov.hk/chi/tvapi/08_ms185.html)女旁白： 正在準備新一年財政預算案的財政司司長曾俊華，期待收到你的意見。
家庭主婦 李霞女士： 我保留自己的意見，我不想發表任何意見，總之讓我們生活過得好一點便行了！ 財政司司長曾俊華： 大家不要保留自己意見，說出你的意見，讓我們制訂措施時，可以回應大家的要求，讓我們做得更好。 2. 2009-10年度財政預算案諮詢（四）－林海峰篇
(觀看短片：http://www.isd.gov.hk/chi/tvapi/08_ms188.html)女旁白： 正在準備新一年財政預算案的財政司司長曾俊華，期待收到你的意見。
林海峰： 司長，我有一個很簡單的要求，希望新一年全香港市民不用交稅。 財政司司長曾俊華： 我相信很多人都同意你這心聲，但是政府需要有收入，社會才能正常運作，希望大家可以提出一些更可行的意見。 主婦那一條片，造出來的效果好像那位主婦的訪問是真的一樣。可是，那位女士的訪問片段很容易給人一個「無知婦孺不提意見，給曾司長教導要發表意見」的印象。
我想，政府新聞處的廣告公司為什麼要選這條片？因為有代表性？因為夠娛樂性？新聞處收貨的時候有沒有考慮過廣告的效果如何?
我只希望那位李女士不會被親戚朋友取笑。
林海峰那條片，我不得不假設他跟曾俊華是有默契的－－由林海峰攪爛gag，然後曾司長好像教訓李女士般教訓林海峰，提醒他應該「提出一些更可行的意見」，言下之意，是「你的意見唔make sense」。
這樣的諮詢，一點也不虛心。這其實貫徹了特區政府近年的高高在上的施政風格，沒什麼出奇。
兩條片中的曾俊華，好不威風，先教導師奶，再教訓林海峰。只差沒有給曾司長義正詞嚴的說出甘迺迪的名句「不要問國家能為你做什麼，要問你能為國家做什麼」。
Comments (30)
正宗膠片也。
所有人也是主觀的，世界中根本不存在客觀，所謂的客觀說穿了也只不過是由很多主觀而集。
所以政府常說公開諮詢，說甚麼沒有既定立場，好像力求包容各界意見，力求客觀，也包裝自己很客觀似的，根本就是「狗屎」！
其實呢個系列宣傳片係俾左一間廣告公司做...
正常黎講應該唔係街頭訪問，係有稿照讀
如果唔係要審批好耐
呢個系列簡直好似曾俊華司長上天下地，唯佢獨尊。
我倒覺得前一條片是給民建聯看的，後一條片是給民主黨看的。
庫大大，點解港英政府年代以至董伯伯執政時，政府做野都唔係好駛響電視宣傳咁既？
@aubrrr - 謝謝。已作修改。
@chungpui - 民建聯怎會不給意見。行會佢又有份,反對又有佢份,扮反對又有佢份。神有係佢,鬼又係佢。
@Big_Snake - 其實不是。港英時代的政府宣傳跟現在一樣密集,董生的年代也差不多,董氏的年代還有花了千多萬攪的飛龍品牌。
曾俊華你唔想聽意見就直接講啦, 不知所謂
第二條link有問題，多o左o的o野
全部都係「妹」……
1同4就唔駛講啦，至於2就曲線幫政府講野……
3就最正路，說來幾巧妙，政府一向聲稱放最多資源在教育，當然難唔到司長。
唔知將生果金呀、兄弟事件既問題放上去，佢會點答哩﹖
官方link: http://www.budget.gov.hk/2009/chi/webcast.html
「但是政府需要有收入，社會才能正常運作」
政府除左稅外還有收入，儲備又夠食；
社會如何謂正常運作，譬如出唔到公務員糧，政府只係行政上死亡，但社會依舊正常運作，由其政府近年目標就係下放私人麻。
軍事方面，美國近年出征海外有唔少係保安公司，沒有軍隊一樣Everything is under control。
如果有政黨會再思考呢兩句，應該唔會有人話，個時何秀蘭叫人唔好交差餉係癱瘓政府，而係重新審厢到底我地交緊咩稅種。
差餉除很久以前用來支持警務費用，此前用以作區域市政區及市政局經費。考慮英國歷史背景，差餉本用以向地主收取款項支援窮人，演變至地區政府經費，但香港近年無人提，亦少人知到底差餉有何用途。
政府無收入，社會將如何正常運作，應該會很有趣。美國加州收入不足，社會尚未死得，美國中國一樣巨額赤字預算，亦未見社會如何不正常。
"政府需要有收入，社會才能正常運作"
見到政府唔包機...的士佬玩野, 我覺得呢兩句好正.
(又﹕更接近口語的說法應該是「大家唔好收埋D意見唔講」)
@whiteshadow_hk - 沒既定立場和沒有立場是兩回事，但政府往往當成同一回事。於是沒既定立場變成沒有立場(於是和稀泥)，有立場就變成有既定立場(於是講黎晒氣)。
說漏了 :
1. 背景並非財爺既辦公室 - 政府總部唔係用該款電話 (一千年前已經轉晒用 avaya); 財爺唔係用 notebook; 佢個位唔會咁細. 依背景估計, 個個係某個 changing room (i.e. conference room)
2. 佢做緊野係假 - 財爺寫畢直, 台面一份參考文件都冇? 咪玩拉. 再者, 財爺肯定唔會自己打野. 當然, 聽你d 賤民講野, 求其 drop 低咪算. 我還懷疑 notebook 沒有插火牛, 可能係用緊鈾電拉 (但如果真係做野, 一舊鈾電可以用幾耐呢, 又?)
這些重要嗎? 個背景係假既, 佢扮做緊野係假, 自然想到佢話聽你意見都可能係假.
仲好意思叫人交稅... 唉...
(嘩，一開始d文又冇左﹖﹗)
你話主婦篇真實，我倒覺得很假。
「保留意見」是書面語(亦是官場正規用語)，但不是廣東話的口語。香港怎會有正常人說「我保留自己意見」﹖
(擺明係想畀位曾俊華叫人「唔好保留自己既意見」)
一般人既講法應該係「我唔打算畀意見」。
其實這句後面一樣可以接到「唔好保留自己意見」的，只是寫稿的人連想一句接近一般人說話的對白也懶。
(又，司長那句更接近口語的說法應該是「大家唔好收埋D意見唔講」)
@relgitsjg - 假總是會假，戲總係要做。問題只係做得好睇定難睇。
@pineapplesam - 你提醒左我呢樣野，我改返我個寫法。謝謝！
@Kursk -
? 好有興趣知道你有咩改左...
@pineapplesam - 改左訪問李女士那一段。
@fongyun - 對...... 畀著我我會話「我唔L想講」或者「我無L野講」......
@hystericireul - 如果係咁,我相信曾司長都係答你「大家不要保留自己意見，說出你的意見，讓我們制訂措施時，可以回應大家的要求，讓我們做得更好。」
@fongyun - 可能佢地想模擬一個新移民婦女的說話--即是在日常說話使用語體文。
@Kursk - 正確點說，那「李太」的話是很多民ｘ聯支持者的看法。民ｘ聯作為一個愚民政黨，佢本身當然見油水就撈，而他們很多被愚民化成功的支持者，的確認為只要經濟好，他們甚麼都不用管就最好的。
@chungpui - 佢地仲會鬧班民主派攪亂香港。
@HoHangLeung - 人地司長問你意見呀,雖然會疾你唔make sense.
@euyak - 已改,thx!
@galileo_c - 香港公共理財相對來說很保守,大概有可能是因為香港的底子較簿,不能太進取吧。
@relgitsjg - 政府已經冇運作了...
@fongyun - 而家政府好似連門面功夫也做不了,看看李少光、唐英年,還有那個運輸及房屋局副局長就知了。
好好笑！
尤其是他說林狗的提議不夠可行，哈哈。如果我們想得設施那麼「可行」，只需要你聽了跟著行，那麼政府付錢請那麼多高官幹什麼？！一個D字頭的每年都過百萬工資，你要我們這些卑微的平民有本事做他們那些上等人AO的工作？哈哈！我們的建議要是那麼可行，不如你也不要做了，把位置讓出來給我們啦！
白痴的廣告，簡單一點說就是「耍你、點你」，根本沒有心真的要聽我們的意見！！！ 很「香港政府」、很「夠」官僚啊！瘋的政府！
Comments are closed.