March 5, 2009
-
俾鬼壓
昨晚無端醒來，但動彈不得，看到漆黑的房間中有一個男人站在床邊。我想問他是不是老豆（我是獨居的，老豆不會無端端半夜上來），但講不出聲，很用力去動但動不了。
我看不見那男人的樣子，他只是一直站著不動，也沒作聲。其實類似情況在大學宿舍試過一次，不過那次床邊的是個陌生女性，還會說話。遇到這樣的情況，我不覺得恐怖，因為我相信那大概只是睡眠性癱瘓，而那身影可能是半夢半醒的幻覺？
不過，不知為何，心裡條件反射地唸起趕鬼的聖經章節，之後那身影便不見了。如果那是幻覺，我想唸聖經也是幻覺的一部份吧，就好像我發夢見到喪屍會跑一樣。其實有鬼也不是什麼奇怪的事，我也不怎麼在意（否則不會一個人去露營）。
那一刻其實沒有任何恐懼，我心裡想的是「喂，我聽日仲要返工架大佬。」
或者應該早點睡，而且不要在睡前用極速打minutes和report，然後還要寫兩頁紙日記。
參考資料：
睡眠性癱瘓
Comments (20)
呢排原人咁多鬼古!!!!
科學點說（也是掃興點說），我覺得是當你感覺到有人影時，其實意識上你是迷糊的，介乎半夢半醒間的，到你唸起聖經經文時，你基本上就近清醒的，所以那種像夢一樣的感覺便消失了。
不過我未試過咁既經歷，只係試過好多次個夢境既感覺好真實，真實到醒左。
我信架...細路時代我好清楚那不是夢，就像alien入侵我的身體。那時我驚到震，心中唸Our Father...跟住那alien就消失了。連續倆晚都係咁，之後就不了了之。
我都試過一次....早年大學上lecture 時...冇錯..上lecture 我訓到鬼咁lum....精神上醒左, 但郁唔到, 開唔到眼..只係聽到個講師講野......跟住, 唯有再訓過~~~
@iamsorman - 你呢種情況唔算睡眠癱瘓吧，我讀書時日日都發生（而家發生響我某ｄ學生身上）
@Kursk - 我真係想起身o架~~~因為我聽到個內容好似lecture 就完....但隻手想郁都冇反應
@iamsorman - 當時你身邊啲同學見到你隻眼瞇開一半咁典下典下就唔慌唔以為自己撞鬼囉～～
我認為老師真係畀鬼壓!!!!!
@chungpui - 我怕俾個lecture 做CPR 多o的....因為當時唔係本科上堂, 去左威爾斯醫院聽個醫生講lecture....悶到可以熟睡...
我唔單止試過俾鬼壓，我而家仲有陰陽眼，有時會見到鬼、天兵天將、地獄使者。我同精神科醫生講，佢話呢D係幻覺。同其他病友講，佢地既反應係：「你又係呀？我又係喎！」
你好勇敢。我讀你的這篇日記，我都開始怕怕了。我不信鬼，但我很怕這些東西，人越大越膽小。
我早幾個月都試過…我直頭感覺到佢訓咗喺我隔離…
http://www.xanga.com/Ah_Keel/694754711/item/
共勉之!!!
我想不少人也曾有類似經驗. 大概你實在太倦了, 身體和意識一時失去了協調.
據說，大聲罵髒話也是一個解決辦法。
也許日有所思，夜有所夢吧！
有時候，我睡前還在看paper，
睡著了就會做惡夢 -- 見到自己在中學A-level試場甚麼都不懂！
@ansonho - 我也有朋友試過做這樣的夢：「在中學A-level試場甚麼都不懂！」
然後...... 他...... 他......
便夢遺了。
@hystericireul - 關咩事? 死毒男黎污染我個xanga...
我覺得甚至連「醒」也可能只是夢境的一部分，否則很難解釋為何會見到人影。
「畀鬼壓」我試過，但從未試過有甚麼「靈異」經驗。
應該是一個人信鬼，才會「見鬼」，因為不信的人，他的腦部不會把同樣的訊號解釋為「見鬼」。
我上次都係咁呀..
第一次都真係幾驚
@chungpui - Haha......
Comments are closed.