好喇，以後要阻止記者採訪，只需「懷疑」佢地有毒品就可以喇。方法好簡單，就係響你地臨出發之前凌晨六點上嚟封鎖現場，搜查六粒鐘，沒收回鄉證同採訪證，同埋迫你地delete咗D錄影帶。搜完喇，你地要採訪既嘢都完Q晒啦。Well Done!

係咪我地太敏感？

唔係。

響公安搜查NOW既記者前一個鐘，即係凌晨四點零鐘，去為譚作人上庭做證人既艾未未老師，同埋一齊去既人響賓館俾公安扣留，艾未未仲俾公安打。同對付NOW記者一樣，扣留你地直到審完。好嘢，又係Well Done。

多得Twitter，艾未未附近既既Yang Licai用手機打Twitter直播，real time紀錄咗成個過程。又係生勾勾咁見住有twitter網友俾人攪，心都涼咗一截。[連結]

所有嘢一D都唔巧合，明明係人民警察既精密安排。

真係好Q無賴。

呢班走出嚟出聲既人，有律師、有學者、有作家、有藝術家、有工程師（仲要係地質局總工程師），真係好天真好傻，好地地做咩阻住個黨做嘢，又話幫死難既孩子既家長，又話要幫死難孩子爭取公道。佢地咁樣阻住好多人發達架嘛，所以咪俾人拉、俾人告、俾人攪。見到佢地咁真係好心酸好憤慨(其實如果我唔係人之患，應該夾雜好多粗口字，先表達到我有幾憤慨)。

我本來想寫話好在我地個社會仲有D傻人，不過真係講得太多呢句說話，講到口臭，再講連自己都覺得灰。不過，都係果句，如果我地個社會連一個半個呢D傻人都冇，我地個國家就玩Q完。

延伸閱讀:

johncoal :預測

adrianlu1026: 中國的人權是最好的

hystericireul 的文章有粗口，有興趣自己找那篇叫「浮沙」的文看看。

tommyjonk: 阿爺，請不要試圖說服我

公牛擠奶: 最文明的黑社會

hope-seaon: 請用法律民主來說服我

梁文道: 所多瑪 (新加入的,一定要看)

舊文連結:

威權統治不可能千秋萬世

有關譚作人受審