話說Wii大賣之後，PS同XBox都諗方法黎應付，不過由研發到發行，攪咗成年幾兩年，就好似當年德軍俾蘇軍T-34屈晒機之後，攪足成年先出到Tiger同Panther黎抗衡一樣。

我從來未買過Wii、XBox同PS，對呢三個品牌冇任何偏好。我打咗電腦Game好多年，只對電腦Game有偏好 (詳見打機學通識系列同埋Game評系列)。

事先聲明，我唔係寫鱔稿。我只係講我去玩呢部新機既體驗。

 

XBox出呢部Kinect，原理係用sensor感應玩家既身體動作黎玩，唔駛好似Wii咁揸住個玩制黎玩，而且手腳既動作都感應到，設計遊戲既可能性好多，例如跳舞、同玩運動之類。

至於點樣玩，呢度有工作人員既示範，首先係呢個跳舞既Dance Central，玩法係跟住畫面同音樂跳，個sensor可以sense到你既動作0岩唔0岩。跳得熟既話，就可以好似呢位女孩子咁勁歌熱舞，女士們大可以舞晒脂肪。

http://www.youtube.com/watch?v=uIdVnGcqSVc&feature=player_embedded

 

下面呢兩段係Adventure，玩既係唔同既體感活動，有D似Wii果個咩島(響fd屋企玩過，唔記得名)咁。

http://www.youtube.com/watch?v=0oQ-zgHoWxg

http://www.youtube.com/watch?v=eDOQ2fFJ7ZU

 

呢個叫Joy Ride，係用手同身體既動作控制架車。

http://www.youtube.com/watch?v=Sa8V9vlhkjg

 

讚：

Kinect似乎係目前最勁既體感遊戲系統，佢可以sense到玩者既動作，將來既遊戲可以玩既野好多

最多可以幾個人同時玩，個sensor都可以同時處理

如果將來有體感既斬人（三國無雙！）、打喪屍（Left4Dead同埋Deadrising）同開槍game就好（好似以前D街機game咁縮開避子彈，例如Time Crisis同果隻日本警察避子彈射黑社會既game咁，當年玩到對腳幾乎抽筋）

 

彈/問題：

XBox既香港普及度不及任天堂，而且市場受落程度似乎不及日本品牌（會不會是因為文化因素？我不是機迷，不夠資格評論）

個開機OS既公仔太似Wii，感覺唔太好

暫時只有三隻game，如果唔能夠流行起黎，說服唔到game商出game就會好似以前其他已經收檔既機咁既命運...

 

 

總結：

Sensor技術的確過癮，如果將來出多D唔同種類既game，市場推廣做得好的話，應該都會有機會佔有一定市場份額。我跟推廣人員說，好玩就好瑁，不過果三隻game太女仔同太合家歡，冇暴力血腥唔得個噃。

有blogger說有人稱Kinect是Wii殺手，以XBox而家既市場定位同普及程度，我覺得有點言過其實 (那好像坊間的電腦雜誌般，係機都叫「iPhone殺手」一樣)。

 

 

雖說好玩的東西點都應該有fans的。不過要在Wii橫行了兩年的市場殺出一條血路，則不是易事。

（認真起上黎，就忍唔住寫番語體文...）

我認識的已婚/同居朋友中95%家中都有Wii，而買Wii和玩Wii的主導權其實都掌握在女士們手中。Wii未必是最高科技的產品，但其user-friendly的界面，得得意意、易學易玩的遊戲，成功奪取了女士們的芳心。而感覺上比較硬橋硬馬(甚至比較男人)的XBox，能否在體感遊戲市場取得女士們的注意，還要說服她們在家中的Wii(及其大量配件)還可以多用三幾年的同時，多買一部機，就要考驗marketing的朋友們的智慧了。

 

 

延伸閱讀：

Microsoft x Cyberport x Blogger 聯合參觀聚會（Kinect for XBOX 360）

Xbox Kinect：用身體打機

 

tag: Game