然而三年後的今日幾乎已經沒人寫xanga了..

@Roc720 - 「宜家hkblog走世情新資路線我覺得幾好呀」 無錯呢個路線係hkblog求生之道，但係調返轉頭諗，呢d資訊係facebook like幾個page已經有齊晒，而且仲係第一手資訊，使乜專登登入xanga去睇？

2009年hkblog之所以可以壯大，完全係因為佢係一個非常自由，而且受眾非常多既平台，當時一個post閒閒地幾萬個views，幾百甚至幾千個comments都成日見到，而家得返d潮流資訊，講真，真心睇既人有幾多？
xanga相對於其他主流blog黎講係相對發展比較慢，比起sinablog, wordpress果d亦無咁受歡迎，原因可能係xanga無咁多知名博客採用(暫時我知道的知名xangan只有方大, 庫大和謝天下...)，但相對黎講，xanga當年唔知點解吸引到好多中學生，特別係出生於80年代尾至90後既一群(我正是)，而家呢班中學生已經長大，反而開始唔打/唔睇xanga，我諗呢個係除左fb同微博衝擊之外另一個hkblog，以至xanga沒落既原因。
話就話而家hkblog變左資訊平台都唔錯，但係我都係鍾意以前好多人投稿、好多人睇好多人討論既熱鬧xanga，就算質素參差，都叫做有好有壞有討論空間，而家...真係無。試問有味ipad殼可以講得出咩大道理？最多都係非常之有親切感的無用之物罷。
另外就係...上面我都提左，xanga用家多數係年輕人，反而更加應該多d宣傳、教學、佈道既post，講道理當然係由細個講起，微博果邊大部分都係追星（就我所見），而且微博有字數限制真係講唔到d乜道理與教學架喎。