(圖片來源：辛浩仁@FB)

第1，講嘢呢個人，而我不知道他是誰，唔好話我，呢張相出現響FB嘅時候，好多人都問佢係邊個，聽講原來係立法會議員*，說明小圈子選舉幾有認受性。

第2，「沒什麼經驗、人緣好、曝光率高」，如果有足夠選民認為佢適合，點解唔可以選？咁只有響行政會議開會嘅經驗、人緣奇差嘅人，點解可以選？

第3，劉德華選有咩問題？個問題係你個機制係咪真正俾真正有普遍民意基礎嘅人選。列根本來都只係個過氣二線男星，參與政黨一段日子之後去選州長，卒之佢做咗近幾十年最受美國人歡迎嘅總統。咁列根選州長有咩問題？(如果劉華真係選上，如果佢有合適嘅班底，有個似樣嘅政務司司長，一樣可以管治得好。)

好心啲人唔好再用劉德華做例子喇，講真，劉德華未必真係差得過梁振英架。係用都用陳山聰或者林峰做例子，大家先至信架嘛。呢一點，唐英年阿媽好多年前都講過啦，佢用個例子好好多，佢話如果Twins做特首唔掂(連結)。後來Twins因為某事件而拆夥，令佢地唔可以一齊做特首，而唐老太個仔仔都因為某事件做唔到特首，命運有時真係好諷刺。

佢個訪問話行政長官口講愛國愛港唔夠，如果同北京溝通唔到唔會做得好。實情係咁唔代表你應整個機制出嚟，唔俾同北京溝通唔到嘅人去選，你有個普及而平等嘅機制，俾有足夠民意授權嘅人嚟選，由市民自己判斷邊個同北京溝通到、有能力管治香港，咁已經足夠。就算有提名委員會，個委員會都應該充份反映民意，最後由候選人自己sell自己，由選民決定。香港人好現實，最後好大機會會選個可以同北京溝通嘅溫和派，而唔係劉德華，個重點係個機制由提名到選舉都要公平，先至可以服眾。

* 呢個人叫姚思榮，旅遊界議員，中旅社副董事長。

片段連結：

https://www.youtube.com/watch?feature=player_detailpage&v=f3479yUXC1A#t=917s

[本文又係口語，唔好意思。]

裝了Facebook Home，有點不慣。對於FB控來說，應該是個不錯的體驗，但因為FB取代了本來的桌面，開app就沒以前方便。

用FB Home睇update幾方便，作為測試，我用嚟睇林非借出status俾「女性的商業用途與社運用途」事件嘅兩方對質(對質全文連結)...

張相已經delete，可能有好多讀者唔知係咩事，我簡述一下：

話說之前香港獨立媒體有一張報導相片，係支持罷工嘅社運朋友抗議時一字橫排咁企。張相裡面有個別抗議者身材開始有人討論。

之後，有個著名博客，貼咗張圖，張圖係兩張圖合拼而成，上圖係一個展覽嘅showgirl，下圖就係上面提嗰張。而最引起爭議嘅地方，係張相加咗個caption，caption係「女性的商業用途與社運用途」

嗰張社運相，明眼人都睇到社運人冇打算用身體做工具去吸引人--真係要的話就唔係咁做法了。貼相者拼埋張showgirl嘅相，加句「社運用途」嘅caption，相信係自以為幽默，係低手，一啲都唔好笑。

我見有人話呢啲改圖，認真係就輸了。說話就唔係咁講，認真就輸了的說法，始終唔係詆譭別人後嘅逃責藉口。

我又見有人話張相真係吸引眼球。其實我第一眼都留意到，呢個係本能，但唔代表呢個代表女性嘅「社運用途」。不過定一定神，覺得冇咩啫，著得咁密實，完全冇吸引狗公嘅意圖。人嘅線條係天生嘅，攝影者根本冇需要特登迴避。唔通要好似封建時代咁束胸咩？即使相中人已經著得密實，睇嘅人係點，睇張相就會係點。

鬧交雙方有一個爭議點，就係平時社運都會有「賣萌」或者吹捧「社運女神」，點解而家一張改圖大家就咁大反應。個問題好簡單，就係你用張圖屈人「女性的社運用途」，係唔尊重相中人同影相人。

呢件事有文化界朋友堅持博客要公開道歉，博客只係delete相唔肯道歉。成件事就繼續落去。發展到而家，兩邊都有人加入叫陣，中間牽涉埋好多新仇舊恨，中間已經唔知講咗去邊。

至於你問我立場，當做閱讀理解，你覺得我立場係咩？

被改之前張相，響原處已經搵唔番，但我照貼，因為我覺得根本唔需要迴避。俾啲人講兩句就要抽起張相，唔通以後女性要束胸出街？（相片來源：香港獨立媒體，download自Google search結果。如果拍照朋友或者相中人要求抽起圖片，請FB message我 圖片已經處理）

（BTW, 網上有啲唔駛開名嘅評頭品足。唔駛開真身就充分發揮動物性，講嘢往往散發住一種網絡舊油麻地戲院嘅味道。相中人唔好click去睇，廢事攪到自己唔開心。）

*本文細節隨圖片變動而稍作修改。如對修改細節有疑問，可以FB message我。

這是我的意見書。除了反對把那麼大範圍的地方劃為軍事用地、要求把海濱留給市民之外，我還希望區議會文件提及的單車徑不要走數。雖然分區大鋼圖通常不會在休憩用地列明一定要有單車徑，但我還是希望提個書面意見支持文件提及的單車徑建議。

今日是最後限期，大家可以click這個連結去提交意見（不過不要照抄）。https://pub32.tpb.gov.hk/pems/Representation.html?id=HsRR7mqbvQOUoN0DMKQhOoMKTMqmh%2Bqi

分區大綱圖的區議會文件有詳細解說，大家可作參考。http://www.districtcouncils.gov.hk/central/doc/common/dc/20130321-DC-Paper-30-2013.pdf

在解放軍總部外建一個軍用碼頭有什麼用？

當社會出現突變、解放軍總部和政總附近馬路被堵塞的時候，其用途有二：第一是從海路增兵及運送裝備作快速軍事反應，第二是必要時讓解放軍官、中共幹部、特區高層從海路逃亡。

延伸閱讀：

AM730: 起碼頭變起樓 解放軍先「佔」中環 (2013年04月15日)
http://www.am730.com.hk/article.php?article=150284&d=2017

朱凱迪：皇后戰訊五月十七日：「還港於民」定係「還港於軍」？你不知道的解放軍軍艦碼頭
http://www.inmediahk.net/node/220177

黃俊邦：反對解放軍「佔領中環」！
http://www.inmediahk.net/node/1016225