September 15, 2011

• 含淚反對取消區議會委任制

   

  （含淚版）

  明報：區會102委任議員減至68 宣布最遲2020全撤 泛民不滿

  由2012年減到2020年分段取消？我反對咁激進既方案囉，委任區議員對社區好大貢獻架，例如民建聯響灣仔既孫啟昌，明明選輸左都可以委任返入去俾佢繼續服務社區；仲有個美孚既民建聯黃達東，委任佢入去插旗扮到好似民選區議員咁，以便來屆選舉對付同區既泛民議員。

  
  每一區既委任加埋建制派就過半，主席就一定係佢地既人，又乜議案都通過到，所以佢地對於穩定社會好有貢獻架。既然咁有貢獻，根本唔應該裁掉他們，應該好似以前台灣既國大代表咁，做到死為止，死左先cut果一個委任議席就very good喇。

  **********************

  （正論版）

  呢個時候一定會有人話「其實唔少委任區議員係對社區出錢出力既地區人士，應該俾佢地有一個名份貢獻社區既」。問題是區議會唔係街坊會保良局，係一個反映民意既機構，就算係靠蛇宴賄選嬴得議席既區議員，都叫有民意授權。政府委任一班自己友入去，即係代表區議會既組成係有Ｄ人係一人一票選出，而另一班人就係曾蔭權一個人一票選出，呢個係完全違反民主精神既做法。照「出錢出力就應該委任入議會」呢個邏輯，立法會其實應該都有委任議席，吸引一班對社會有貢獻既孖沙入去。

  政府當初招安民主黨支持政改既時候話會取消區議會委任議席，結果呢？

  取消唔民主既議席對個社會有幾大負面影響？點解咁都要用八年分段取消？呢個好明顯又係政府開天殺價落地還錢既技倆，呢個無賴政府，無藥可救。

  
  

  

  民建聯委任區議員孫啟昌(左)、黃達東(右)

   

  • 11:58 am
  • 2 Comments