今天放學後在FB打了這段status:
今天上中二的課，講的是二戰後的香港，中間一定會提及國共內戰。中二學生完全未在學校聽過國共內戰，我要很簡潔而且不帶感情*地講什麼是「中華民國」、為什麼中華民國變了中華人民共和國、中華民國去了哪裡的問題，真的不是容易事。講完之後，有學生問，如果國民政府羸了，中國會怎樣。那真的是一個好問題，我提出了幾個可能性，可惜不夠時間講了。（介紹國共內戰時我用了建國大業的trailer作介紹，他們驚呼「劉德華做國民黨!」，當然，我提醒了他們這是宣傳片）
(1948年的東北及華北 [圖片來源：http://blog.boxun.com/hero/200803/zjq/1_1.shtml])
*****************
想不到大家的討論那麼熱烈，原來我的FB上有不少歷史研究學好者，能夠以史會友，豈不快哉 (以下人名經過處理)：
Tom: 國民黨勝出香港可能唔洗回歸！
Wah: 這種空想歷史題目十分好玩！
Kursk: What if既問題作為刺激思考係幾好的。不過以1946年既形勢而言，國民政府要完全消滅中共冇可能，對國民政府既最優結局似乎似乎很可能係有一個中共響東北立國，其餘地方由國民政府管治。不過，國民政府既改革同反貪應該會比有危機意識的台灣小朝庭的差。結果會唔會係蘇維埃中國跟住共產陣營一齊崩潰，然後被統一？真係好多what if問題。而要假設國民政府唔輸，就首先要假設好多好天真、好白痴既人同事冇出現過，真係好難。
Wah: 另一種what if是偉人暴斃，也十分好玩。
Fung: 我曾經諗過，如果二次大戰係軸心國贏左，咁世界會點。
Michael: 玩HoI囉。
Kursk: 比較常見既史學學者既講法係，納粹德國就算羸左，佢地既統治政策會令佢地唔捱得好耐。
Thomas: 如果50年毛死了，之後三十年也少點災難，如果毛二沒被炸死，哈哈...
Kursk: 如果毛二世沒事，也許彭德懷沒死得那麼慘。
Cow: 彭德懷死得慘其實跟毛二世之死關係不太大。彭德懷死得慘是因為他是大嘴，對毛意見多。劉少奇跟毛二世死無關，還不是一樣死得慘；林彪更是他的指定接班人，一不合他意，還不是一砲打死
熊: 貴校....係咪已經冇咗中史讀啦...... (當然, 就算有都應該係中三先讀...)
Zeus: 如果國民政府羸了，中國會怎樣?在玩民國無雙嗎？
FongYun: 依家中史西史已經被合併了, 而且反正中七考中史的學生也可以告訴我, 他不知道面首是甚麼
Wah: RE:Zeus - 台灣ptt有個DummyHistory板，專門討論這些空想歷史，民國無雙正是其中兩位活躍板友企劃出來的。
Tsoi: 作為一個中七考中史嘅學生，而我不知道面首是甚麼，Google過先知
Zeus: Re: Hin - 我當然知道 =]
Kursk: Cow Chan - 也是。其實毛係一個玩權鬥既天才，彭德懷咁樣X佢，肯定出事，只係有時諗，如果唔係毛二，以佢既軍功，應該冇咁大鑊。當然，以軍功計，林彪卒之都死得。
Kursk: 熊先生 - 我校初中既中史仲係必修，不過中二而家只係教到隋代，而我教既I.H.，就係EPA加地理加歷史，所以有香港史。
Rex: ＜史上20起重要事件的另一可能＞一書討論過如國民黨不強行挑戰蘇聯勢力範圍，歷史將會如何改寫。
Nelson: 如果中共當年打吾低國民黨﹐中國應該再次陷入分裂﹐蘇聯會直接介入新疆蒙古﹐以至西藏(他們不一定和中共合得來﹐合得來也可以在另一邊起爐灶)﹐引起美﹑英甚至法國都會出手﹐東亞殖民地獨立戰爭和中國戰事合流﹐proxy war全面擴大化。日本會更早復興﹐比現在還強。記住人民共和國建國時韓戰未打﹐英國仍佔有東南亞大部份﹐法國仍佔領越南﹐以色列立足未穩﹐國土是現在一半。國民黨內派伐嚴重﹐
各派很大可能會分別向不同國家賣國。正如庫兄說的KMT很白痴﹐更加是十分自私﹐所以就算僥幸戰勝﹐我還是完全不看好。總有種印像﹐很多不喜歡共黨的人對國民黨年代有不切實際的想法。
Rex: 如果中共止於東北，那麼中國像東西德是不無可能；如果止於長江，那麼對江南的滲透就無日無之，那麼南方也許頂多10-20年，但未必能頂下去。就像越南
Nelson: 正是﹐畫江而治跟本就無可能。最有趣的﹐德國因為直接受美蘇干涉﹐所以打不起來﹐韓國﹑越南﹐甚至偏離一點的中東 (may be also印巴)﹐不完全受控所以總在打。不能全歸咎proxy war﹐那些人民/政權本來就想打﹐開打了反而可向美蘇要利益。
Rex: 東西德要是真打,就是核戰。東德不能單幹，東德成立前被蘇聯剝削了大半領土割予波蘭等國，如東普魯士仍在東德手中，東德絕有能力武力＂解放＂西德。劃江而治10-15年不是全無可能，條件是：戴戎光不被收買，國軍空軍傾全力消滅共軍過江部隊，以及最重要的是美軍宣佈出兵。很明顯，當時蔣介石軍隊在1945年後已大舉調往台灣，不欲幫李白兩人助戰。所以：解放軍過了江
Nelson: 完全同意[我漏了"長期"(畫江)二字]。
東德明顯被"前線陣地化"了。
歷史上蔣打算做島主那就已經無得救了﹐美軍大概不會在蔣逃走的情況下出動。口路他一直有準備﹐不過他被打怕了的應該是在徐蚌。
Kursk: 到渡江之前，國軍已經響三大戰役完全玩完了。
Ben: 1946年的國府已經無乜可能全勝，就算1945郁手都只係打一個宋V西夏的局，而且老蔣仲要搞掂高到嚇死人嘅inflation
Kursk: 睇三大敗仗比較仔細既軍事地圖，好難想像國軍點解會覺得有得打-- 冇連續既正面，無限咁多突出部，對手仲要係師承蘇聯步兵滲透戰術既中共，就算係德軍都死啦，更何況係國軍。btw,共軍既意識形態工作同支前隊就真係好屈機。
Rex: 老蔣用金圓券去試圖解決Inflation問題，結果失盡中產之心。現在通脹6%左右，不少人已很不滿，試想想當時中國人的怨氣之於現在香港幾多倍？老蔣最了不起的地方是：早在1945年已看好台灣，把所有希望寄諸台灣（在1948年底，其根據地上海附近的兵力陸續亦撤往台灣），把第一艘亦是最後一艘救生艇據為己有（他同時放棄強調在越南的統治權）。李白？海南島？ 很懷疑蔣氏的國府是不是真的想打贏仗。
Thomas: 蔣身邊的都是地下黨...
Kursk: 個名單真係好恐怖. 最恐怖既係郭汝槐. Sorry又諗起司徒...
Nelson: 這兒好熱鬧!!!
--庫sir﹐有關連續正面真是笑料。可能老蔣打軍閥和打倭寇打得多﹐習慣左四面被突破。放棄東北軍事上會正常好多﹐不過政治上不可能吧。
--去臺灣的後路同大陸方面打是沒有衝突的﹐雙線進行是合理手段。當然他的心怎想是另一回事﹐這件事老蔣又瞞得比其他事好。
--老蔣去臺灣﹐話吾定係日本顧問教的(空口說說而已)。
--別說"潛伏的地下黨"了﹐據說老蔣軍方通訊保密很差﹐倭寇基本可以全面監控。對共黨這種習慣地不行動﹐保密到家的不死才奇怪。
-- 吾明去海南島可以做乜? 無基建無後援﹐還要尋找軍糧彈藥養兵﹐那個小諸葛...
--各位有沒有那兒看到蘇聯究竟把多少軍倭寇的軍火移交給中共了?
Kursk: 咪就係關東軍有幾多,蘇軍就搶到幾多俾中共咁.
Thomas: 共產黨沒有老毛也不至於這麼災難，就是奇怪為什麼周恩來會對他如此貼貼服服。
Ben: 庫兄：正面唔連都未係最死人果樣。三大會戰果陣一早就無可能打。東北前期係長春呢類無謂突出部放得太多注意力，沈陽又放得太多兵力，搞到自己擺成一長條又接唔埋，到最後錦州一失，即刻洗皮。平津，河北南部又清唔乾淨，山東更加唔好提，將主力放係陝北，又唔全力打甘寧去壓彭生活動空間。總而言之，一塌糊塗
Ben: 退入海南就完全無辦法啦......廣東——湖南的正面一破，桂軍就算想守廣西都守唔住，位置太容易突入
Kursk: 周恩來應該係俾之前被整既人既遭遇嚇怕了。段估佢應該唔係《江湖告急》裡面既張耀揚。
Kursk: 唔只東北, 連淮海戰場都係咁。平津就直情係自製史太林格。
Ben: 周兵權一早失咗，唔聽毛生話一早俾人溶咗......
Nelson: 共黨的書引述"蔣總統集"﹐蔣認為佔領城市﹐"共匪"就會沒有跟據地﹐然後城市的軍隊可以照交通線推進﹐分割共匪。蔣公是傻的嗎? 連打窮英國的Boer War﹐Lawrence of Arabia打垮土耳其的戰例好像也不知。蘇聯部兵滲入築竇的戰法自然也不知。他用的是倭寇兵力不夠之下的無奈做法... 我地呢D塘邊鶴都知既竟然...又﹐蔣公1946年開打時明明話"共匪"比以前勁左好多﹐可是自己兵力對比急降之下﹐還要所有戰線全面出擊﹐這是??? 不記得那裡看到﹐英國後來打馬共的經驗﹐要"清鄉"的兵力要10:1。仲有﹐蔣公可能吾識掛﹐國民黨主動進攻共黨盤據的城﹐如果共軍真係同你守﹐國民黨夠吾夠人同意志打勝這種血肉模糊的巷戰? 共軍就保證夠意志守﹐吾守係選擇﹐他們喜歡運動戰罷了。
周怕左主席﹐都無人夠號召力。就算鬥贏左﹐又係分裂同混亂同時知道毛要個超級管家打理D野﹐離吾開他的。
Thomas: 還有宣傳戰
Ben: 波爾果次？最後要靠集中營先逼和......
又唔好一味抽老蔣智力的水。老蔣睇重交通網概念，某程度上同部隊相對帶得太多唔太有用的重武器有關
Ben: 地下黨的問題真係無藥可救......郭汝瑰、劉斐
Nelson: Boersi時集中營﹑清鄉﹑五步一崗十步一哨地保護補給線﹐我地識的軍事手段基本上出齊(其實同老美獨立有乜吾同?)﹐反游擊戰的後果好像總是﹐打贏場仗﹐輸光經濟。
要放炸彈容易﹐要防炸彈難。你做政府要管治﹐人地要破壞求期做D野都得。今日對付游擊隊﹐不外乎波爾(以色列)同越戰(阿富汗)兩套打法﹐有無第三種?
蔣公智力很定無問題﹐自問做吾到他的"事業"﹐做人到他那樣點講都吾算失敗。不過對有些說法會覺得驚奇。當然﹐我們都在後見之明﹐他的全套看法有空拿全文才研究。至於那些"重兵器"他不懂得用﹐而且沒有後勤和生產力的國家﹐要來也用不著。笑鬼KMT時﹐有時覺得我地講得共黨贏得很容易和是必然的事...
Rex: 我的意思是,老蔣霸了台灣, 小諸葛或李宗仁如果唔想去台灣被人陰乾, 就只好孤注一擲去海南, 不過海南仍然比台灣差好多皮, 而且有粵系人馬睇實, 所以小諸葛的部下不少在廣西被迫到死路, 死得很慘... 老蔣在台灣可建立軍政府自己玩哂, 但如果剩下南中國半璧, 即使無共黨, 桂粵川三系加上江南某些不北上的左派人士仍然可以慢慢玩蔣公, 上海班中產繼續將住佢金圓券單野, 如果美國人信吳國楨孫立人, 蔣公遲早變成吳廷琰的下場. 所以似乎權衡下, 老蔣去台灣做土皇帝更化算.
*註：對於一個帶來十幾二十年浩劫既政權的誕生，故作中立已經算是有點違背良心了。不過因為佢地係初中，我唔想佢地第一次正式接觸呢個課題，就被太強烈既情感影響到對歷史既認知，所以講兩邊既野都冇加入情感。
Recent Comments