I modified the original "What People Think I Do" meme about teachers and made these two pictures.

This is the international version. (I also uploaded it to knowyourmeme.com)

 

Here is the Hong Kong version. (No offence to the domestic helpers) 

 

早陣子在FB寫了這一段（補充在最後部份）：

放長假時候睇咗Twilight I同II。呢套野果然係女性恩物，玩盡晒所有女性會投入既fantasy，又玩得幾靚。當然，唔太投入既我當然係過度解讀：

吸血殭屍Edward就係一個神秘有錢仔。吸血根本就係性既隱喻，唔信？你睇佢好想吸Bella血但唔想吸果個樣，係咪似曾相識呢？對於Bella黎講，佢寧願冇咗呢樣做咗就冇既野，而且係佢因為好愛個男友而自願的，中晒年輕女生既想像喇。

至於狼人Jacob，就係黑社會打手愛上女生自己既故事，呢個好打得既男仔，超大隻、單純、專一，佢成班兄弟會叫自己做「阿嫂」，又係一大愛情片元素。可惜響邪邪地而更青靚白淨既吸血靚仔面前，都係被KO。

第二集完既時候，兩個男既仲為咗爭你而大打出手。堅係浪漫啦，各位姊妹，係嗎？

 

結果呢個post有成超過40個comments，Twilight果然係叫好叫座既題目。以下係部份既留言，內容未必代表本人立場，敬請留意。

網友C：仲有Edward睇唔穿bella諗咩, 所以中意左佢, 就係o個d估唔到佢諗乜就心痕痕o個d野.

網友S：校園內, Edward既世界0係Bella 既生命中與眾一同, 其實咪就係男仔平日吸引女仔目光既手段...

網友K：我睇左一半既第一集就頂唔順。不停話個女比條仔既 dazzling eyes 迷住, give her a chill from her spin... 頂！好難受！

Kursk：你的樣子如何,你說肉麻野效果也必如何

網友S：某程度上最是彊屍版的王子與公主的童話故事... Fantasy不能少...

網友A字人：女生們的AV

網友F：我是女的，但我不能忍受吸血鬼在陽光下曉得發光這種蠢事。還有，Twilight中那種「兩個俊男為了你大打出手」這種女人狗肉式的fantasy，跟少年漫畫中「眾多美女一齊鐘意上無能的男主角」一樣wet dream。

Kursk：真治...

網友S：女版的後宮型故事? 少女漫畫倒不乏這種情節

網友F：EVA除咗少男WET DREAM之外仲叫做有其他嘢講吓，但Twilight除了wetdream外就什麼都沒有，大佬，請不要侮辱女性讀者的智慧，好無?

網友B：我係女,從未對呢兩套戲有任何興趣. 完.

Kursk：我又未覺得係侮辱女性觀眾既, 畢竟都只係娛樂.

網友F：你要OFFER WET DREAM俾女觀眾都唔係問題，但係OFFER一個咁GE質素的WET DREAM就真係有少少把女人當成無知少女、一見到俊男就唔記得老豆老母姓咩的感覺，非常差勁。PS︰電影版叫好些少，但Twilight原著入面啲保守到爆的兩性闗係觀和性觀念都好惡頂。

網友L：可歸類為FF系輕小說類, 但我就唔STEREOTYPE邊類人睇了

網友F：我成日覺得，男士們，如果你的女友/老婆不會硬拉著你入電影院看Twilight，你實在是個幸福和好運的男人。當然，如果男士們能抱著看笑片的心態去看Twilight，相信大家會比較能接受到…

網友L：回上, 如果男人帶自己女朋友去睇[那些年], 我諗大概女朋友亦未必好受

Kursk：女人同男友睇那些年,可能係要防止男友搵個沈佳儀一齊睇. Btw, 申報一下, 我睇twilight係我聽網台節目討論Bella點收兵, 所以搵黎睇的. 我覺得又唔駛去到批判女觀眾既, 都係睇場戲開心下啫, 就好似大家睇那些年自我陶醉個幾鐘一樣.

網友Ｌ：恕我鄙俗, 我覺得, 呢種情況同要人陪住睇自己自慰一樣, 人哋會唔會反感, 我覺得應該諗諗先

網友F：我不曾打算批判女觀眾，畢竟人各有所好。男人需要wetdream，女人也需要wetdream。但係Twilight以romance或是vampire片的角度去看都好很差勁 (實情男女主角愛上對方，除了女方的血味道很好，男方英俊有錢外還有什麼理由?)，但又竟然咁大賣，我覺得這才是問題。

Kursk：英俊, 有錢, 比同齡男仔成熟, 仲唔夠? 如果女仔樣靚, 身型好, 斯文, 唔港, 都係女神啦.

網友KL：唔差，係「俗」姐。

網友I：我其實好鐘意睇青春劇，呢類兩男追一女的情節亦好容易吸引女性讀者，只係個作者寫得太差。

網友J：i m a twi-hard！！！！
雖然好人都話呢套少女戲，但對我黎講有唔同ge意義，我睇到ge係一個女仔成長ge故事(個人意見，不喜勿插，當然都鐘意睇靚仔，因為我係睇書ge,所以鐘意書中主角多d)
又有一部份係因為現實無完美男人，女生只好於非現實中尋找，而Edward既完美正好乎合佢地(我地)ge幻想
而且，某d女生(可能只有我)比較鐘意怪咖，不鐘意普通人類男仔(呢層我自己都解釋唔到)
而性ge隱喻，我就一d都feel 唔到la
btw 好開心你睇左，如果你要週邊or加入fan club我可以幫你 XD

網友I：我認同樓上的觀點，只係我始終都覺得寫得唔好。

網友J：yes， stephenie meyer文筆唔好，用字冗長
內容方面越後越差
同JK. Rowling 比， stephenie唔算好

網友F：ps:Twilight電影版中我最鐘意的角色是那三個「壞人」vampires，型到爆。XXDDDDD男主角…雖然我承認個男演員的演出已經盡心盡力，但都係唔like，反而Jasper同Alice兩個角色演得比男女主角討好。

Kursk：我覺得男主角都幾型. 至於黑人吸血殭屍, 都值得讚, 印象中好少有黑人.
至於Bella , 就係要一個唔係太sharp,唔係金髮好身材, 等女孩子們代入到.

網友F：「至於Bella , 就係要一個唔係太sharp,唔係金髮好身材, 等女孩子們代入到.」
ps:壞人vampire三人組之中，個女仔都好正，雖然戲份少…XDDDDD

Kursk：我當然冇睇過原著啦.

不過,公道點說, 少女響初戀既時候, 就係咁架喇, 個世界就係詩情畫意, 冇其他野.
1月23日 13:46

Kursk Edward Yau 我當然冇睇過原著啦.
不過,公道點說, 少女響初戀既時候, 就係咁架喇, 個世界就係詩情畫意, 冇其他野.

網友F：老師你冇睇小說都唔係損失，不然你都會好似我咁，被悶到抽筋。係，戀愛中人「據閒」都是會智商低落，眼中了對方就冇其他的，但係Bella係第二集，條仔一離佢而去就走去玩自殺玩頹廢，父母的擔憂可以不理，朋友(Jacob)也可以利用來當水泡，我真係覺得有點兒過份。

網友W："Bella係第二集，條仔一離佢而去就走去玩自殺玩頹廢，父母的擔憂可以不理，朋友(Jacob)也可以利用來當水泡，">>>華!吾好講笑，好寫實，本人處理不少case, 仔是我的生命，仔是我的一切，怪吾得知條仔嚇親走左。

網友F：所以唔好再囉Stephenie Meyer同J .K Rowling比，起碼我不曾見過Rowling筆下啲16、17歲左右ge中學生女角會玩為哥死為哥亡這一套。(這句話是由一個不喜歡Harry Potter系列的人說的。)

 

補充：

其我唔係太討厭Twilight電影，佢為我同太太帶來了不少歡樂－－我係笑住睇既，唔算係嘲笑，而係當睇奇觀片睇。那個少女情懷總是詩的世界，對我的新奇程度不亞於第一次睇Matrix。我就是投入不了，只是以旁觀者的角度去解讀，也是有趣的。

我一點也不批判鍾愛這個系列的女士們，各有喜好，正如旁人不會明白我們看《那些年》、《天與地》、《EVA》、《Gundam》、《Alien系列》和杜琪峯電影會看得入神一樣。

 

認真的說，The Lady是一個愛情故事，也是一個關於正義的故事。有什麼比禁錮一個女人，令她不能見丈夫最後一面、不能見證自己的兒子長大，更能令人明白暴政的可憎？

朋友，即使你對政治熱不熱衷也好，我敢保證你看這齣電影會被觸動。

男士們，帶你的女伴去看，讓她們明白暴政的可憎；女士們，帶你的男伴去看，讓他們明白愛情是互相支持、至死不渝的。

我看的時候，鼻子一直都是酸酸的。路比桑處理得好，楊紫瓊很用心去演，劇中昂山的家人代她領諾貝爾和平獎一幕最觸動到我的神經。在囚的人得到和平獎，除了昂山，還有劉曉波。

近代能夠令極權失敗的，往往不是武裝革命，而是道德感召和民眾和平抗爭。這一點我們要記住，可能有朝一日這也會發生在我們的國度裡。

 

有說The Lady和緬甸被禁，路比桑說應該鼓勵人們翻版帶回緬甸。The Lady肯定也會在強國被禁，似乎大家要為內地朋友放種了。當然，現在自由行的其中一個熱門活動就是來香港看禁片、買禁書。我們作為赤色中國的南大門，還有一點用處。至於為什麼要禁The Lday?因為緬甸軍政府多年來最好的朋友就是中共，中共大手筆的支援軍政府，軍政府血腥鎮壓民主運動、囚禁反對派成員、軟禁昂山，這些都算到中共頭上了。況且，和平獎的一幕和民眾起來爭取民主的情節，實在是強國必禁的題材。

電影完成之時，昂山素姬已經獲釋，而軍政府也承諾會舉行大選（雖然選舉的制度仍然像香港一樣是確保軍方仍有控制權），幾年前緬甸僧侶冒死上街，結果多人死傷，包括一名日本記者。大家看The Lady的時候，也論記念他們的犧牲。

何時會有一齣講中國民主運動和維權運動的電影？六四、烏坎、西藏、香港、台灣... 也許是我想得太多了。

 

 

出席了教育及職業博覽2012的blogger活動，在正式開幕前參觀了，聽了一些參展單位的講解。這個活動算是跟工作有一點關係吧。

教育真的是一個巨大的產業，有不少單位是商業機構，例如升學指導、美容課程、私營教育中心等，那些我不多介紹了。

在學的朋友，花些少時間去看一看，了解一下情況是值得的。

 

有幾個單位我覺得值得介紹一下。

今年VTC開始了一個叫"Thei"的學院，提供與設計、康樂管理、科技相關的學位課程。即是說VTC不再是只提供HiDip課程了。

 

Campus France是法國領事館的單位，那裡有關於留法獎學金，以及免費升學服務的資料。跟其他私營升學服務不同，它的服務都是免費的。

 

私營美容課程，學費不菲...

 

警察的攤位－－有即場招募活動

 

攤位大，但跟教育和職業無關的MPF攤位。

 

教育局的兩大賣點：1. 334出路 (車....)、2. E-APP網上平台，攪什麼的呢？是JUPAS以外的課程的統一報名系統。理論上，八大以外的院校（除了樹仁）都有參與。

 

其實紀律部隊不設即場招募活動。

 

HKU SPACE。很巨大的攤位。

 

詳情：

2月9日至12日

香港會議展覽中心

免費參觀

 

連結：

教育及職業博覽2012官方網站

(圖片來源: 明報 2/2/2012)

今年繼續是「n無」被遺棄的一年。其實呢個社會好多打工既收入遠低於免稅額、租房住既「n無」既生活比公屋住戶及/或綜援人士差很多。可是他們除了那少許電費補貼之外，係。一。個。崩。都。冇。

如果係冇分電表既租戶，就真係完完全全一個仙都冇。他們比起公屋住戶和綜援家庭更不值得得到照顧嗎？ 

如果以政策的邏輯看，退稅、免差餉係回饋納稅人及公司，算叫做多付出多回報。那麼為什麼要免公屋租金、綜援出雙糧、補貼電費呢？那是紓解基層的民困吧？

如果要紓解基層民困，那可能比公屋戶及綜援戶更困難的「n無」沒有民困要紓解的嗎？

政府免公屋租金和補貼電費，似乎是要做數，令消費物價指數因這種措施的降低升幅，而直接派錢則會刺激通脹。可是我又不明白了，綜援雙糧不是直接派錢嗎？

要照顧「n無」真的那麼困難嗎？抑或是有人不吃人間煙火，以為只有公屋戶和綜援戶需要幫助？

 

連結：

上年財政預算案公佈時寫的，當時批評的東西大致上相近。

朱門酒肉臭，路有死N無

 

（2012年2月初這個星期的Facebook碎碎唸）

 

1. 關於「自駕遊」問題

同城化的潛台詞是大陸化. 如果同城化之後, 法制人權跟著先進那邊做法不一定是問題, 但如果是調轉的話, 我寧願不要同城化.

明報新聞網-副刊-星期日生活-封面--周日話題﹕來吧，不要什麼都應承-20120205

 

2. 蝗蟲想像 

app測試. 貼圖兩張.

 

近年中港族群矛盾事件的時序/中港族群矛盾的背景/身份認同與蝗蟲想像/種族與族群/恐懼政治/溝淡論與自治論

(1/2)

(link: http://youtu.be/h3DwVNHjNC8)

(2/2)

(link: http://youtu.be/hSNES8sKVFM)

 

三師會節目重溫播放平台： 

1. hk3teachers.mysinablog.com [link]
(三師會本身的blog，我們的節目以youtube短片形式播放，因為歷史最悠久（2006年至今）的關係，裡面的過往節目最為齊全，而且已經以通識單元分類。另外，我們在不同的報刊刊登的文章，以及傳媒報導資料也可在這裡找到。)
2. 三師會@openradiohk.com [link] 
3. 三師會@mobileradio.hk [link]
4.  三師會Facebook page [link]  

 

延伸閱讀:

不要當HATE CRIME的幫凶 (tommy)

反大陸化,還是反大陸人? (kursk)

民粹的沃土與醜陋的中國人 (kursk)

 

 

(一)

（搬家後通勤的距離長了一倍，由坐巴士改為迫地鐵，發現迫地鐵時用手機寫短文的文思往往十分澎湃。這一節就是用手機打的。）

看著因為蝗蟲這個概念而引發的論戰，其波及層面之廣，情緒之高脹，實在出乎意料。很多平日不沾政治社會議題的朋友都出聲了。

其實蝗蟲論的概念實在太啜核，太有感染力，老實說，上年我初接觸這個字的時候，也真的有點受到引誘。那形容詞實在太痛快了。只是多年來在這方面律己極嚴，所以止住了。

當見到蝗蟲論愈演愈烈，我不像教授般覺得身為香港人慚愧，畢竟一個社會總不可能每個人都像文化人或教育界人士般小心用字。那種帶有強烈情緒的用字，往往最能反映公眾最大的恐懼和怨氣。我們應該留意的，是這種恐懼和怨氣的根本原因，即是政策失誤，然後聲討坐視不理的政府。

現在一邊罵對方納粹，對方當然反面，另一方罵對方左x/道德x，結果當然又是反面。我們罵來罵去，罵得忘記了真正的敵人。

打這段的時候，我又在地鐵被身體距離感不足的自由行撞到，幾乎連手機都掉了，我跟平日一樣，黑面同發出"摺"聲，對方報以不好意思的表情。我想，我們是有權不滿的，很多次這種情況對方也會知衰。在日常的微觀層面，尤其如此。

現在民氣沖天，大家都上頭了。我不知自己是不是左翼還是中間偏左還是政治正確控，不過我肯定是要繼續丙這種連雙非係人口政策一部分都講得出口既政府。

坐地鐵打字，有打錯或者思考不周密的地方，請指正。

 

(二)

回到家中，在網上見到這張圖，我立即share了。這些才是真真正正的蝗蟲！

 

 

2009年，xanga的創辦人兼CTO Dan來香港，我在一個小聚會中跟他說xanga應該有mobile app和customize for smartphones (詳見《與xanga創辦人聊天》)。那時候，facebook仍未成氣候、Android還未出現、iOS的市佔率還是遠低於Windows Mobile。當時我用的是Dopod的Windows Mobile手機。

不久之後，wordpress和blogspot都有了mobile app，可是xanga 沒有。後來，寫blog的人少了，Facebook已經成了killer application。

2012年，xanga才出了它的iPhone和Android app。（link）

以民建聯的邏輯，提議過，n年後真的出現了，也是成功爭取。

時移世易，其實佢地仲肯寫呢個app已經仁至義盡。

 

 

我安裝了Android版，相比起wordpress和blogspot的app，它明顯比較簡單（或曰簡陋）而且不穩定，例如寫了文章，選擇了要貼的圖片之後，之前打的文字會不見了。

至於閱讀subscription list的功能，操作正常。

希望未來的update會改善文字失蹤的問題吧。

(3/2/2012的update版本已解決了這問題。)